هل ممكن تحب واحدة من أول أيام وتتجوزها؟

Ice Cream_70019 🇪🇬

منذ أسبوع واحد

شعور مرتبك

هل في راجل ممكن يتعرف على واحدة كام يوم ويحس إنها الإنسانة اللي عايز يكمل معاها حياته ويتجوزها؟ أنا عن نفسي شايفة إن قرار زي ده بيحتاج وقت وتجربة وشهور عشان يبقى نابع من يقين، بس حابة أسمع رأيكم… هل في فعلاً رجالة بتحس بكده من أول أيام؟ ولا ده إحساس لحظي وبيختفي؟ ولا دي داخلة بس وكلام وخلاص ؟

إحساسي تجاه بنت في الجامعة وموقفها الغامض

في بنت معايا في الجامعة، عمري ما كلمتها، لكن من أول ما شفتها وأنا حاسس إنها مختلفة. هدوءها، احترامها، وطريقة تعاملها شدتني جدًا، من غير ما يكون في بينا أي تواصل. في مرة حصل موقف بسيط، كنت عايز أديها شهادة حصلت عليها في حاجة شاركت فيها، بس هي رفضت تاخدها، من غير ما تقول لي ليه. ماحاولتش أضغط عليها، احترمت موقفها، حتى وأنا مش فاهم سببه. بعدها بفترة، لقيتها عاملالي بلوك على التليجرام، وأنا أصلاً عمري ما كلمتها عليه ولا فتحت معاه حوار. والأغرب، إنها شالت البلوك بعد فترة. بعدها كمان لقيتها عاملالي بلوك على إنستجرام، وأنا حتى ماكنتش عاملها فولو ولا حاولت أفتح تواصل هناك. كل ده حصل من غير أي احتكاك أو سبب واضح. ورغم كل التصرفات دي، ما زلت شايفها زي ما هي: بنت محترمة جدًا، ومتربية، وليها قيمة كبيرة في نظري. أنا مش بافكر فيها كإعجاب عابر، أنا شايف فيها شريكة حياة. الحمد لله أنا من بيت ميسور ومستقر، وعندنا شغلنا الخاص، وهي كمان باين عليها إنها من بيت طيب ومحترم. أنا طالب طب ولسه في أول سنة، بس من دلوقتي بفكر في حياتي ومستقبلي بشكل جدي، وبدوّر على بداية تبني على احترام ومسؤولية. مش عايز أضغط عليها، ولا أسبب لها أي إحراج، لكن في نفس الوقت مش قادر أتجاهل الإحساس اللي عندي. ولو ربنا كتب وبينّا نصيب، فأنا ناوي أتقدملها بشكل رسمي في الوقت المناسب. مش مستعجل، لكن قلبي وعقلي مستقرين عليها… وبادعي دايمًا إن اللي فيه الخير يتم. ⸻ هل انا كده صح اني محاولتش اكلمها قبل كده مع العلم بيحصل بينا eye contact كتير ...عرض المزيد

5 الدعم

7 نصيحة

محتار في موضوع الجواز مع حبي القديم

دلوقتي أنا محتار انا كنت زمان وأنا في إعدادي كنت بحب بنت معايا في المدرسة وبعد فترة والدنيا أخذتنا بعدنا عن بعض ومن ٦شهور عرفت أنها اتجوزت وامبارح عرفت إنها اطلقت ورجعنا نتكلم تاني وأنا لحد دلوقتي بفكر فيها وهي بالنسبالي حلمي إني أكمل عمري معاها بس انا مش عارف أفاتح اهلي في الموضوع ازاي لأن انا دي اول جواز ليا وخايف أفاتح والدي ميخلنيش أتجوز في شقتي محتاج حل لو امكن ...عرض المزيد

6 الدعم

3 نصيحة