هل عادي أرد على صحابي بعد 12 ك بنت؟

Question

هو عادى لو ليا زملاء بس زملاء بس مش اكتر يعني صحاب عامة ورديت بعد الساعه ١٢ حتى لو  كلامنا مفيهوش اى حاجه غلط يعنى دا عادى ولا غلط انى ك بنت اعمل كدا ممكن الشباب بقي هما اللى يردو يعنى حتى لو صحاب بس مفيش حاجه بحكم الشغل أو. الدراسه هل عادى ولا لا

Avocado_70400 🇪🇬 · Accepted Answer

طبعا غلط و اي شاب مننا يصنف ك ذئب بشري هيقولك لا ده عادي و طالما نيتك كويسة معرفش ايه و طالما زمايل و بتتكلمو ف الشغل عادي .. كل له كذب انا كنت ذئب ف يوم من الايام و كل دي اساليب تضمنلي ان الباب يفضل موارب و مفتوح سكة للكلام و ما اسهل اننا اوصل للي عاوزه طالما ف سكة للكلام حتى لو هنبدأ ب نمو ثمرة البطيخ مش حتى الشغل

Guava_31009 🇪🇬 · Answer

متابعة

Lemon_70389 🇪🇬 · Answer

على حسب الكلام ده بيدور حوالين أي بالظبط.. لو كلام خاص بشغل عادي تردي.. لو غير كدا يبقى الشخص ده في نيته حاجه حتى لو كان ماشي بسجادة الصلاة في أيده.. واحد بيكلم واحده بالليل ده باب مفتوح لحاجات كتير

Mango_29955 🇪🇬 · Answer

وجهة نظري لا لان انا بديلك 8 او 9 ساعات شغل تتكلم فيهم براحتك انما فيما بعد ساعات الشغل لا اعرفك ولا تعرفيني لان سؤال هو ايه اللي هيكون مهم في الشغل بعد 12 ؟؟

Pineapple_25373 🇪🇬 · Answer

مش هتفرق الساعه كام طالما في حدود في التعامل  ميتعداش حدود الشغل أو الدراسه لا أكثر ولا أقل 
لان عادي في دكاتره بيعلمهوهم من المستشفى  الساعه ١٢ بليل ولازم يردوا ف ملهاش علاقه الوقت الفكره فيكي انتي وانتي اللي تحطي حدود في التعامل مع أين كان واللي يتعدى حدوده  تتكلمي بحده وتعرفيه اللي عمله ده ايه بنسبالك

Orange_61792 🇪🇬 · Answer

لا مش عادي ،حطي حدودك طبعا ،لو حاجه اضطرارية الشغل هيعطل بسببها او هتحصل مشكلة ماشي ،لكن كلام عادي دي بتبقى تماحيك مننا ك رجالة على امل انه الموضوع يتطور بعد كده

Watermelon_65402 🇪🇬 · Answer

كلام عادى جدا بس ساعات ممكن ميبقاش ليه علاقه بالشغل يعنى مثلا مثلا حد بعتلى ع النتيجه وبنتكلم ع الدرجات وبتاع بس كانت الساعه ١ دا عادى حتى لو بنهزر وبنبعت رياكت ضحك ك صحاب ومفيش حاجه  ؟

Apple_68851 🇪🇬 · Answer

بصي يا عسل محدش يقدر يحسملك في الموضوع ده بس انتي تبقي شايفه الكلام رايح في اي اتجاه لو بحدود صارمه شغل فقط ومافي مناسبات لأي شي تاني 
يعني مثلا 
مريم:
صباح الخير يا أحمد،
ممكن تبعتلي الصورة اللي استخدمناها في البوست بتاع امبارح؟
أحمد:
صباح النور،
أيوه ثانية واحدة.
أحمد:
اتفضلي: [الصورة]
مريم:
شكرًا.
 فقط لا اكتر ولا اقل لا يقولك عامله اي ولا اي شيئ من الكلام ده لأن بداية الغلط حاجه اتفه مما نتصور

Watermelon_65402 🇪🇬 · Answer

انا حاطه حدود ومحدش يقدر يعديها بس الفكره أن ساعات كتير مش بركز غير بعد ما برد حتى لو الكلام عادى ف ببقي متلغبطه

Lemon_70389 🇪🇬 · Answer

الرياكت بيجيب رياكت وبعد كدا بيبقى في كلام ورغي والهزار بيقلب بمحن بعد كدا وحاجات ممكن تتفهم غلط.. الحدود حلوه

Orange_61792 🇪🇬 · Answer

لا ردك ف وقت متأخر على كلام (عادي) و هزار انتي كده فتحتي الحدود،انتي طلبتي رأي الرجاله ف حاولي تفهمي 
انا كراجل زميلتي ف الشغل بادخل اكلمها "كلام عادي" و نضحك و نهزر الساعه ١ بالليل .
تفتكري انا كولد هترجم ده ازاي 🤔
اقل حاجه خالص هاشوف اني مميز عند البنت دي و انها حابه الكلام معايا .
ف متضحكيش على نفسك و على فلان اللي بيتكلم معاكي و تفتكروا انه مجرد كلام عادي

Kiwi_66691 🇪🇬 · Answer

لا طبعا انتى كبنت ما بثحش تتواصل مع اى حد بالليل حتى لو صاحبتك ولو حتى أمور شغل الشغل له مواعيده و حطى لنفسك  قواعد محدده بالنسبة للشغل بعد مواعيد الانصراف ألغى اى حاجه بينى وبين الشغل خلاص بح

Carrot_64861 🇪🇬 · Answer

أنا راجل و بقولك مش عادي و غلط. و قللي تعامل دي نصيحة اخوية