جماعة ممكن تقولولي أنا كده صح ولا غلط وهل ظلمت الشخص ده علشان يكون بالي مرتاح قدام ربنا. ال حصل أن أنا وماما كنا مروحين في ابلكيشن ال هو زي اوبر ( مش اوبر) وماما نسيت الموبايل بتاعها في العربية وبعد اما طلعنا البيت بشوية ودورنا علي الموبايل اتصلت بالكابتن ال كنا ركبين معاه وقولتله ان احنا ممكن نكون نسينا موبايل عندك في العربية ودور عليه ولقاه قولتله طيب ممكن تجبهولي عند البيت انزل اخذه منك؟ قالي مش هينفع اجي علشان أنا مشيت من عند البيت إلا لو هاجيلك مخصوص قولتله مفيش مشكله تعالي مخصوص( علي أساس أن أنا هدفعله حق المشوار من المكان ال هو فيه لعندنا في البيت) وانا أصلا كنت هديله فلوس كشكر ليه ال هو رجع التليفون عندي تاني بس أما قالي أجيلك مخصوص اتعملت معاه كأنه مشوار عادي ومزودتش الفلوس عن كده المشوار كان عامل ٥٠ج أو ٥٣ج حاجه زي كده( من المكان ال هو قالي انه موجود فية لغاية عندنا) وأما وصل ماما نزلت علشان تاخد منه الموبايل وتزيله فلوس المشوار ولكن هو اعترض علي ال٥٠ج وعاوز ١٠٠ج ! أنا معنديش مشكله في الفلوس بس هو ليه يطلب أصلا ويطلع ماما علشان تجلبوا باقي الفلوس! أنا بصراحة اما ماما قالتلي اتصلت بيه قولتله مش من الزوق انك تطلب فلوس زيادة علشان عملت خدمة ماكنتش خدمة أصلا بما أن انا محسباك علي المشوار من الابليكشن بس ومأدتلوش غير ال ٥٠ج حق المشوار بس هل أنا كده ظلمت الراجل ده ؟! أنا مقتنعة انه لا أنا اديته حقه بس ساعات دماغي بتودي وتجيب علشان خايفة من ربنا أكون ظلمته فا ممكن تقولولي؟

8

7