هل حرام أهنّي صحبتي المسيحيين في عيدهم؟

Question

هو حرام اعيد علي صحبتي واهل صحبتي المسيحيين في عيدهم؟ انا وصحبتي قريبين جدا من بعض وعلاقتي ب اهلها كمان حلوة وهي بتعايديني في العيد ، ف حرام قولها كل سنة وهي طيبة وانا نيتي اهنيها وبس ومعنديش اقتناع بحاجة تخص العيد نفسه ومقتنعة بديني ف مش عارفة حاسة اني محرجة معايدش عليهم زي ما بيعيدو عليا وهما برضو اكيد بيعيدو عليا بدون اقتناع بديني

Sugar_25630 🇪🇬 · Accepted Answer

وصاحبتك المسيحيه لما بتيجي تعيد عليكي ف عيد الفطر وتفطر معاكى وتصوم ف رمضان وتاكل معاكى ف حلاوة المولد وتعيد عليكي...تبقا كده شاركتك ف معتقداتك وخلاص بقيت زيك؟!

Coconut_41635 🇪🇬 · Answer

لا عادي

French Fries_51392 🇸🇦 · Answer

حرام

Banana_50959 🇪🇬 · Answer

حرام طبعا انتي بتبركي لها بي أله غير رب العباد لو بركتي لها روحي اغتسلي وي اتشهدي تاني

Marshmallow_49911 🇪🇬 · Answer

حرام لان العيد دا بالنسبالهم. عيد. ميلاد الرب 
اعملى اللى انتى عاوزاه فى كل الافراح الا الاعياد

Watermelon_40359 🇪🇬 · Answer

طيب وايه رايكم في الشيوخ لاني سمعت كذا حد قال انه عادي زي شيخ عمر عبدالكافي وعمرو خالد وخالد الجندي وكذا حد وفي غيرهم برضو بيقول حرام ف انا مش عارفة ايه الصح وهل لو عايدت بغرض الحب والتهنئة فقط لا غير يعني مليش دخل دا عيد ايه او احتفال ب ايه اصلا وفي النهاية ربنا عارف نيتي واللي جوايا ولا انا غلط ولا ايه

Coffee_51317 🇪🇬 · Answer

انا عندي صحاب كتير اوي مسيحين و بهزر و بناكل و وقفين جنب بعض اما بيجي عيدهم هما عارفين ان انا مش بهنيهم ومش بيضايقو من ده ويومها ممكن اهزر معاهم وايوا ياعم عيدك انهاردا و بتظبط الدنيا من غير ما اهنيهم المفروض اننا بقينا عقلين ان في ديانات مختلفه نحترم عقيدت بعض ولاكن بنتعايش مش لازم نحط حساسيه في الجزئيه دي لان ده بنسبالنا حرام هما فهمين ده ومش هيكبرو الموضوع عشان معيتيش عليهم انا كدا سنين معاهم

Potato_31970 🇪🇬 · Answer

حاجه زي كده مفيهاش نيتك ايه 
لان انتي كده بتقوليلهم كملوا ف اللي انتوا فيه 
دينهم غلط انتي كده بتثبتي العقيده بتاعتهم عندهم ان هما اللي صح 
المسيحيين معتبريين ان الله ثالث ثلاثه 
وده طبعاا مش موجود عندنا ف دينا 
احنا ف دينا ان ربنا واحد احد 
ربنا سبحانه وتعالي قال قل هو الله أحد 
وقال قد كفر الذين قالوا ان الله ثالث ثلاثه 
وقال ان الدين عند الله الأسلام 
ف مينفعش 
لو حاجه دنيويه بتهني بيها صحابك

Potato_31970 🇪🇬 · Answer

ف عادي اما لو حاجه في الدين ف ده لا يصح
والله اعلم 
بس بدام فيها شبهات 
مع ان الاغلب بيقول انه مينفعش 
نتجنبها احسن

Potato_31970 🇪🇬 · Answer

لا طبعاا مش عادي. 
احنا كده بنقولهم انتوا صح واحنا غلط

Coconut_33125 🇪🇬 · Answer

جددي نيتك انك بتعملي كده عشان العشره و مش عشان مصدقه في اي حاجه من ده

Strawberry_20626 🇪🇬 · Answer

و هل صاحبتك لما بتعيد عليكي بتبقى مقتنعة و لا علشان هي بتحبك؟ بلاش نكبر المواضيع، ايه المشكلة نحب و نود بعض و نعيد على بعض و كل واحد لايزال مقتنع بدينه.

Coconut_29321 🇪🇬 · Answer

اه حرام عيديها في كل حاجة ما عد الاعياد اللي ليها علاقة بالعقيدة

Banana_51421 🇪🇬 · Answer

عادي نهنئهم بمناسباتهم و فرحهم و لكن دون الإحتفال معهم

Apple_30029 🇪🇬 · Answer

حرام لان ده وكانك بتقولي لربنا انا مؤمنه بيك إلا اول او اخر يوم في السنه هكفر واؤمن بيك بعدها صاحبيها عادي بس متشاركيهاش في معتقداتعا [قل يا ايها الكافرون لا اعبد ما تعبدون ولا انتم عابدون ما اعبد ............] فده حرام

Biscuit_45094 🇪🇬 · Answer

لأ يا روحي حرام لا حياء في العلم انتي بتعيدي عليها في وقت ما هي بنحتفل  بإله غير إلهيك 
وبعدين انتي مش بتحبيها أكتر من دينك وربنا اكيد 
انتي مسلمه مؤمنه بالله وحده هي لا +هي عايدت عليكي ده كويس هي اتخلت عن مبادئ دينها وهي حره ماتبقي زيها وتتخلي عن مبادئ دينك

Cheese_40374 🇪🇬 · Answer

اول حاجه بلاش تصاحبي مسيحيين كتير لانك عارفه أن دي بتكدب رسولك وبتقول إن ربك ليه ابن وبتعبده وانتي قريبه منها ازاي كده 
وكمان مستحيل تبقي بتحبيها وانتي عارفه ان نهايتها النار وبئس المصير ولو كلمتيها عن دينك هتحصل بينكم مشاكل عائليه حتى فا بلاش دي اول حاجه
تاني حاجه طبعا حرام ياحبيبتي دول بيحتفلوا بعيد ميلاد الرب انتي متخيله انتي رايحه تباركيلها لايه تقوليلها كل سنه وربك طيب؟

Cheese_40374 🇪🇬 · Answer

مفيش منه الكلام ده لو عيدته ده شرك شوف آراء الشيخ قبل ما تنصح حد بحاجه وتشيل ذنبه وتجديد نية ايه اللي رايح تقول للكافر كل سنه وربك طيب كمل انت صح

Marshmallow_49911 🇪🇬 · Answer

مش كل اللى سمى نفسه شيخ يبقى شيخ فعلا متسمعيش ل اى حد. وخلاص عشان دول مضللين اى حد بيظهر فى التلفزيون مهنة التطبيل بس عاوزه تسمعى ابحثى عن عثمان الخميس/ سمير مصطفى / علاء حامد / محمد الغليظ او لو مش عاوزه تسمعى ابحثى عن اسلام ويب باللى انتى عاوزاه  وانتى تعرفى الحرام من الحلال بالنسبة لنيتك فهنا مفيش حاجه اسمها كده انتى بتهنئيهم بميلاد الرب بالنسبالهم يبقى كدا بتقوليلهم انتو صح حتى لو مش دى النيه