هل أنا بحسد بجد؟.. إحساس وحش وخايفة أكون حسودة

Marshmallow_58489 🇪🇬's منشور

Marshmallow_58489 🇪🇬

منذ 10 ساعات

.

شعور آسف

كذا مره احس ان في اشخاص قدامي خايفين احسدهم.. بجد احساس وحش اوي.. قد مابقدر لما بتعحبني حاجة بقول ماشاء الله واللهم بارك وفعلا بفكر هل انا بحسد بجد؟ واعرف ازاي لو كانت عيني وحشة يعني مره الشخص ال كنت مرتبطة بيه كان بيخطط لسفرية مع صحابه وانا كان معايا الاكونت بتاعه عشان كدا عرفت... استغربت انه ماقاليش ف كلمته وقولتله تعالي نظبط خروجة يوم كذا ال هو نفس يوم السفرية.. قالي عندي حاجة كدا هعملها وهقولك عليها لو ظبطت وفعلا ماقاليش غير لما رجع غير مره كنت خارجة مع صاحبتي وتوهنا ومشينا شارع طويل كدا عشان نلاقي تاكسي.. قالتلي وهيا متعصبة انتي دايما وشك فقر.. عمري ماخرجت معاكي الا لو حصل حاجة فعلا زعلانة وحاسة احساس وحش وخايفة اكون فعلا حسودة اصل مش معقول يتكرر الاحساس دا الا لو كان فعلا انا فيا حاجة غلط

2

4

Avocado_57638 🇪🇬

أفضل نصيحة

.

منذ 10 ساعات

كل دي صدف انتي زي الفل والله كل حاجه مكتوبه انتي ملكيش دعوه وملكيش ذنب والناس دي المفروض تبعدي بعيد عنهم وكلنا لما بنشوف حاجه حلوه او نفسنا فيها بنقول ماشاءالله و اللهم بارك ربنا لو رايد انها تحصل وتكمل مع الشخص دا هتكمل مش رايد خلاص انتي مش ذنبك في حاجه انتي انسانه طبيعيه زيك زينا واوقات ممكن نحسد من غير ما نحس وانتي مش فقريه ولا حاجه انتي زي القمر والله 😊❤

11

0

Avocado_26405 🇪🇬

.

منذ 10 ساعات

استعيذى من الشيطان وملكيش دعوة بكلمهم وكفاية وسواس والجأى لربنا يبعد عنك الصفة دى لو عندك فعلا وحاولى تركزى اكتر على نفسك وحياتك وبلاش تهتمى بغيرك أو حياتهم ومتتكلميش عن اى شخص عموما ولو شوفتى حاجه حلوة قولى اللهم بارك أو الله اكبر اللهم لا حسد كده يعنى متشغليش بالك كتير وامشى فى طريقك وانتى مش شخص وحش لان احنا بشر وفينا عيوب بس الاهم نحاول نصلح اتمنالك الخير

10

0

Toast_59410 🇪🇬

.

منذ 10 ساعات

حبيبتي انت بس شايفه الحاجات حلوه و اي حد بيحسد من غير كا يقصد الحسد مش ذنب دي فطره و حاجه غصب عننا كلنا اخنا بس نفضل نقول ما شاء الله طول ما احنا بنبص للحاجه و بالنسبه لصحبتك ما يمكن تكون هي اللي فقر سيبك من الكلام دا

10

0

Chocolate_58806 🇪🇬

.

منذ 9 ساعات

حبيبة قلبي كلها صدف. خطيبك ممكن يكون من الناس الي بتحب تعمل الحاجة فصمت لحد ما تمشي بعدها يتكلم عليها. متهتميش بكلام الناس و صحبتك مش كويسة الصراحة بسبب الموقف دا. لو هي مش عاجبها النزول معاكي و شايفة ان كل شوية بتحصل حاجة دي لأنها بتشوف الناس بطريقة وحشة. انت استعيذي بالله و متخليش الحجات دي تقلل من ثقتك بنفسك

10

0

التجربة أفضل عبر التطبيق

حمّل تطبيق توهيل على هاتفك لتجربة أسرع