السلام عليكم ورحمة الله وبركاته أنا وأصحابي ٥ أنا وتلاتة في نفس المدرسة وواحدة في مدرسة خاصة السنة اللي فاتت الترم الأول النتيجة ظهرت وسألناها جايبة كام قعدت تقول حجج ومرضتش تقول فأنا عرفت م البيدج بتاعت المدرسة ساعتها كنا عارفين بعض من ترم واحد فكان عادي بس حسيت إنها مش عايزة تقولنا علشان ممكن نحسدها رغم إننا كلنا شاطرين السنة دي بقى قررت إني مش هسألها لإني أدركت غلطتي لقيتها بتقول لصاحبتي أنتِ جايبة كام فهي سكتت قالتلها أنا ناقصة كذا فصاحبتي قالتلها وأنا كمان ولما أنا جبت النتيجة رحت قُلتلها ومسكتلها الشهادة لإني بعتبرها صاحبتي بعدين نعرف من بره إنها ناقصة أقل وإنها طلعت الأولى ع المدرسة في اليوم ده كان عندنا امتحان في الدرس وأنا بسلم الورقة قالتلي هو السؤال ده صح؟ أنا مبحبش أغشش فقُلتلها معرفش وسلمت وخرجت براجع مع صاحبتي لقيناها بتقول محدش يراجع قلتلها أنا وفلانه بنراجع مع بعض الحصة اللي بعدها احنا متعودين نقعد جنب بعض فبالتالي اقعدي جنبي فقعدت جنبها علشان مكسفهاش ولما بتتكلم برد لكن مش بنفس الطريقة اللي قبل كده واجهتها آخر الحصة قالتلي مجموع مدرستنا بيحسبوا فيه الحاسب والدين وأنا من غيرهم ناقصة **** أو **** فهي ممكن تكون خبت علشان ممكن نحسدها رغم إني ناقصة أقل منها أصلا فأنا قررت إني أتغاضى عن الموضوع لإنه ف نظري حاجة تافهة ومش اللي هيفرق مابينا الحصة اللي بعدها قعدت جنب صاحبتها من مدرستها وسيبتها براحتها بعدين سألتها قالتلي أنتو عاملتوني بطريقة وحشة مع العلم إن هي دي المواقف فقولولي فعلا أنا غلط ولا صح وأحاول تاني معاها ولا أبعد زيها

4

0