هفضل صديقه لأولادي مش هخوفهم مني

Question

هفضل صديقه لاولادى مش هخوفهم منى هخلى بينا حب واحترام مش خووف ورعب 
هحضنهم واطبطب عليهم وادعمهم وعمرة ما هقلل منهم ومهما غلطو هكون سندهم وهسامح من قلبى ومش هزلهم باي غلطه .
هفضل ادلعهم واتباهى بيهم

Banana_66851 🇪🇬 · Accepted Answer

مش هفرض رايي عليهم ف حاجة بس هنصحهم بالاحسن والقرار ف الاخر ليهم هما وهحتويهم حتي لو هما فشلوا قرارهم وكان غلط ما هو لازم يجرب ويقع ويقوم وإلا مش هيتعلم حاجة ف حياته

Kiwi_68483 🇪🇬 · Answer

طب واللي خايف يكون نسخة منهم يعمل اي

Nutella_67912 🇪🇬 · Answer

شابوه بجد على انك عايزه تكسري دائره الabuse دي و تكوني أحن من أهلك 🙏🏻💗

Mango_68159 🇪🇬 · Answer

ميرسي

Coffee_50010 🇪🇬 · Answer

تفتكري هتقدري تعملي كده وسط كل الضغوطات دي طيب أما يغلطوا هيعرفوا الصح من الغلط ازاي

Mango_68159 🇪🇬 · Answer

طالما مش عايز تكون نسخه منهم فكر في كل حاجه انت محتاجها وفقدتها عوض بيها اولادك

Peanut_68476 🇪🇬 · Answer

الكلام سهل

Mango_68159 🇪🇬 · Answer

علشان اصدقاء مش خايفين منى لو غلطو هيعترفوا لوحدهم 
وهسامح بعد ما افهمهم غلطهم ويقطنعو 
مضغوطه جداااا لانى مطلقه بس هما مش ليهم زنب في أي ضغوطات بحاول ع قد ما اقدر افصل ولو انا زعلتهم وقت عصبيه بعتزر

Mango_68159 🇪🇬 · Answer

بالعكس أنا بقدم ليهم كل حاجه كنت محتجاها وقصاد ده بلاقى منهم حنيه

Mango_68159 🇪🇬 · Answer

صح جدااا

Watermelon_67868 🇪🇬 · Answer

بس المهم وسط كل دا تعليميهم تحمل المسئولية وتحمل ضغوط الحياة وازاي يبنوا حياتهم وازاي ياخدوا قرار يتحملوا نتايج قرارتهم

Mango_68159 🇪🇬 · Answer

طبعا 
بس بطريقه كويسه تخليهم يكونو متقبلين ده مش بفرض عليهم حاجه

Strawberry_64990 🇪🇬 · Answer

انا خايفة جدا بجد لدرجة انى بقول لو حسيت نفسى غير مؤهلة و معنديش طاقة و مش هقدر اديهم وقت و مجهود يبقى مش هخلف

Coffee_50010 🇪🇬 · Answer

شابوه ليكي انا مقدر اللي انتي فيه بس لازم بردوا يكون فيه عقاب واحتواء ويكون فيه تشجيع كل اللي بتعمليه شابوه ليكي ارفعلك القبعه والله انتي ست مصرية اصيله وبنت ناس وفاهمه ومش انانيه وكل ده بس الضغوطات كتييير وانتي قدها

Mango_68159 🇪🇬 · Answer

اول ما تشوفي البيبي مشاعر الامومه هتتحرك هتلاقي نفسك بتعملى اللى تقدرى عليه وزياده علشانه أو علشانها 
ضحكته هتنسيك الهم وحضنه هيطبطب ع قلبك من غير كلام

Mango_68159 🇪🇬 · Answer

الامومه احساس جميل متفكريش تحرمى نفسك منه

Strawberry_64990 🇪🇬 · Answer

انا بحب الاطفال بس المسؤولية مرعبة بجد فكرة انى هبقى مسؤولة عن طفل ملوش غيرى و هبقى بعمله كل حاجة ديه بجد صعبة و تخوف

Watermelon_67868 🇪🇬 · Answer

اكيد طبعا ....مبقاش فيه حاجه اسمها اجبار او افرض عليك ...اسمها ازاي اعرف اوجه الطفل

Watermelon_67868 🇪🇬 · Answer

لازم جوزك يكون متعاون معاكي ويشاركك في التربية... لو مش متجوزة حاولي تكون الصفات دي في الشخص اللي هتتجوزيه

Watermelon_67868 🇪🇬 · Answer

طبعا