نفسي أفهم ليه ربنا مش راضي عليَّ؟

Question

نفسي استوعب واتقبل وافهم وارضى
ازاي وليه واشمعنا انا 
وسط كل سعة رزق ربنا وكرمه على جميع خلقه
وحتى انا
بس حايش عني الرزق اللي بتمناه
اني اكون زوجة صالحة وأم صالحة 
ومع ان نيتي خير بس ربنا مش رايد
نفسي افهم واعرف ليه
انا بعمل ايه غلط
ايه فايدي اعمله 
انا سيئة انا عارفة بس هو أكرم الأكرمين
ياااااااااااااارب انا العاصية وانت الغفور الرحيم
اغنيني بالحلال يارب انك انت القادر على كل شيء 
يامن أمره بين الكاف والنون اغفر لي وهب لي زوجا صالحا 
انك انت الوهاب

Hazelnut_52786 🇪🇬 · Accepted Answer

بصي، مش شرط إن تأخير رزق معين معناه رفض أو عقاب، ساعات بيكون حماية أو تجهيز لوقت أنسب وأفضل ليكي.
ربنا بيقسم الأرزاق بحكمة فوق فهمنا، وأوقات بيأخر حاجة علشان يديكي أحسن منها أو يحفظك من ضرر أنتِ مش شايفاه.
ركزي دلوقتي على تزودي قربك من ربنا وتعيشي حياتك برضا، والرزق هييجي في وقته، وأحسن مما كنتي متخيلة

Watermelon_66194 🇪🇬 · Answer

طب ليه بتقولي كده
كل حاجه في الدنيا ليها وقت اكيد متشالك الخير

Banana_72762 🇪🇬 · Answer

انا عايز اقولك انى ولد بس زيك بالظبط مع ان الحمدلله مقتدر ان اتجوز  بس مش بيحصل نصيب بس اكيد ان شاء الله ربنا هيرزقنا قريب

Banana_71635 🇪🇬 · Answer

ربنا يكرمك قولى امين

Biscuit_31203 🇪🇬 · Answer

حياتي
انك متكونيش متجوزة احسن ما تكوني متجوزة شخص يطلع عينك و ميبقاش سوي نفسيًا و تفضلي تتعالجي سنين علي الاذي الي عملهولك او يمكن ربنا شايلك زوج احسن بكتير ما كان في تخيلاتك و   يمكن رزقك مش في الجواز و رزقك في حاجة تانية لو ليكي نصيب تبقي ام او زوجة صالحة هتبقي ام و زوجة صالحة حتي لو بعد مليون سنة لو ربنا كاتبلك دا متزغليش و صلي و ادعي لربنا الي فيه خير يقدمهولك و الي فيه شر يبعدوا عنك

Chilli_28248 🇪🇬 · Answer

خلي عندك حسن ظن بالله. ربنا احن عليكي من اي حد في حياتك لانه مش عايز منك حاجة.  لو شال حاجة فبيشلها لحكمة،ولو اعطاها لكي فاعطاها برضو لحكمة. ممكن تكوني صالحة بس لسه الوقت مجاش. افتكري قصة زوجة سيدنا ابراهيم اللي خلفت وهي عجوز، هل زوجة النبي ابراهيم مكنتش بتعبد ربنا ! لا كانت بتعبده ومع ذلك فضلت صبورة حتى اذن لها ربنا. ربنا يسعدك🖤