السلام عليكم و رحمة الله و بركاته 🙋🏻‍♀️🎀 تعالوا احكيلكم اكمني حزينه و مش عارفه احكي ل مين نفسي اسافر جدًا.. و كذا مره ظبطنا ف الاجازه اننا نسافر بس عيلتي بيتوتيه جدًا و كل ما نظبط السفريه يا بيتخاذلوا يا بيحصل حوار و المواعيد متظبطش.. لدرجة اني حلمت من كام يوم اني مسافره و بحضر شنطتي و كنا مبسوطه اوي ( لو تفسيره وحش محدش يقولي بقا) جت مدرستي بقا عملت رحلة للفيوم ( الفرق بينا و بينها سكه 5 ساعات مثلًا) و بجد هموت و اروحها قولت ل مامتي و رفضت لسبب.. الحوادث.. قالتلي متوجعيش قلبي عليكي انا مش حمل اعيش بوجع و تأنيت ضمير ان انا اللي وافقت اوديكي و ان الطرق و السواقين مش مضمونين و ان مدرستي قبل كده ف 2013 ع ما اتذكر كانت مطلعه رحله للمنيا و اختي كانت يا ف نفس سني يا اصغر مني و مامتي و بابايا رفضوا و ساعتها الدنيا مطرت جامد و كان سيل و الاتوبيس غرق و كتير طلبه و مدرسين اتوفوا ( ربنا يرحمهم و يغفرلهم) ف مامتي قالتلي ان المدرسة نحس جدًا ف الرحلات... بس انا كان نفسي اسافر...و ف نفس الوقت خايفه اسافر يجرى حاجه لقدر الله... انتو فاهمني.. كده كده لا انا ولا ماما قولنا ل بابا و اخويا عشان متأكدين انهم هيرفضوا بس ماما لو وافقت هتعرف تقنعهم.. المهم اني حزينه جدًا الصراحه.. كان نفسي الف الشال اللي بيلفوه ف الفيوم ده.. بيبقا شكله حلو جدًا.. دمتم بخير✨🎀

1

10