بحبها بس أهلها متشددين.. حد يديني نصيحه!

Question

ازيكم هدخل في الموضوع 
انا دلوقتي عرفت بنت من سنتين وهي حب عمري فعلا عرفتها بخصوص مشكله واتعلقنا ببعض مع الوقت هي أهلها متشددين اوي وانا او حب ليها او ارتباط وأهلها مش كدا خالص المهم اتقدمت مره اترفض من امها بسهوله جدا لأسباب تفه والبنت مش عارفه تعمل اي 
بعديها بفتره كبيره انقدمت تاني لنفس الاسباب التافهه اني لسا بدرس وو وان هي صغيره 
اتفاجئ ان في عرسان بيتقدموا ويتوافق عليهم مع. العلم (ان امها مش عايزه تجاوزها عشان صغيره ) والبنت بترفض بس خايف الموضوع بخرج برا ايديها حد يديني نصيحه ولله بحبها

Potato_27813 🇪🇬 · Answer

أيه الاسباب بظبط ؟ لانها مش واضحه في كلامك + هل انت مقتدر ماديآ و بتشتغل ؟

Apple_57483 🇪🇬 · Answer

الحمد الله مقتدر الي حد ما اني امشي في موضوع زي ده 
بس اسباب الرفض اني لسا بدرس وصغير دا البنت الي بتقولهولي بعد منا بترفض والبنت عيزاني وانا فعلا مش هقدر اعيش من غيرها

Potato_27813 🇪🇬 · Answer

حد فيهم بيقولك سبب الرفض ؟ لأن احتمال تكون الاسباب اللي البنت بتقولها غير حقيقيه و ده لا يعني ان البنت بتكدب ممكن يكونو اهلها اللي بيكدبو عليها

Apple_57483 🇪🇬 · Answer

اصلا أهلها لما عرفوا اني من الكليه ركبهم عفريت بيقولو لها بلاش شغل عيال ولله محدش فيهم قالي انت شغال اي حتي

Potato_27813 🇪🇬 · Answer

قابل أبوها بره البيت اعزمه في مكان و اتكلم معه لوحده بعدها و حاول تقنعه بعد شويه روح أتقدم تاني و حاول تقنع امها و حاول تفهم منها كدا ممكن تعمل ايه بشكل غير مباشر عشان تملي عنيها و اعملو و ربنا يرزقك الزوجه الصالحه يا جدع🤍

Carrot_57430 🇪🇬 · Answer

فوض امرك لله لو من نصيبك لو مين اتقدملها و ايا كان هيحصل هتكون ليك استودعها عند ربنا و اهتم ب مستقبلك عشان لما ربنا يجمعك ببنت الحلال تبقي فالمنطقه اللي انت حاببها

Marshmallow_57431 🇪🇬 · Answer

ات وضحلهم انك مقتدر و تقدر تفتح بيت ولو هما رفضو و حابين انها تكمل تعليمها اعرض عليهم انك هتخطبها تكون خلصت جامعتك و تتجوزها و انت لو عايزها بجد روحلهم تاني علشان مش تندم عليها بعدين و لو والدت البنت عارفه انك بتكلمها خليها توضح لوالدتها حالتك و كدا

Sugar_57513 🇪🇬 · Answer

اعتقد مش السبب لانك لسه بتدرس أو عشان هي صغيره والله اعلم بس غالبا هما رافضينك لشخصك حاول تثبت ده ليهم عن طريق حد تاني يعني مثلا اي حد كبير و يكون راجل لو والدها مش موجود شوف خالها أو عمها اي حد كبير تقدر تكلمه تاني و تقوله حصل كذا كذا و انك عايزها و انك قادر تفتح بيت و ان عشان هي صغيره تخليها خطوبه بس حاليا حتي مش جواز دلوقتي و اثبتلهم نيتك الكويسه من ناحيتها انك بتحبها و عايزها و يارب تتجوزها

Durian_52455 🇪🇬 · Answer

فيه مليون حجة لمليون سبب لو انت مش مقتدر
سبب رفضها مش تافهة زى ما انت متخيل، احنا شعب بيخاف من المواجهة
لو هى شايفاك مُناسب -من وجهة نظر الأهل- اكيد كلامها هيكون مختلف بس انت اللى معشم نفسك بزيادة