عايزه اكمل تعليمي بعد الإعدادية بس محتاجه مساعدة

Question

السلام عليكم ورحمة الله وبركاته 
هتكلم ومحتاجه نصيحه او تشجيع او حلول 
انا عندي 22سنه وللاسف معايا الاعداديه وحلم حياتي اني اكمل تعليم حتي لو دبلوم او شهاده كويسه اصحابي كلهم بسم الله ماشاء الله اللهم بارك اتخرجوا وانا لسه واقفه مكاني مش مخطوبه اوقات بحس ان لو شخص بيدور علي حد مناسب اكيد مش هيسيب اللي معاها مؤهل كويس وييجي ليا وكله نصيب بس انا نفسي اكمل تعليم محسش بنقص لما حد يتكلم معايا ويقولي انتي بتدرسي اي قدمت ثانويه عامه وكنت بشتغل من سن12سنه والله وكنت بحوش وللاسف الفلوس خلصت في اول سنه من الدروس والمصاريف واهلي محدش دفعلي جنيه ولا تشجيع وقررت اني اطلع لان مش معايا فلوس اروح دروس ولحد دلوقتي بندم ونفسي ارجع اتعلم ولو يرجع بيا الزمن كنت اشتغل ليل ونهار لاجل يكون معايا شهاده دلوقتي مش عارفه اعمل اي جربت اقدم في تجاره قلولي منازل وعايزين مبلغ علشان التقديم قولت اسال عن معهد لقيت مبالغ عاليه
 
حاسه اني لوحدي محدش بيساعدني ولا بيقولي اعمل اي وحاسه ان حياتي بتخلص وانا حتي مكملتش تعليمي.

Banana_35773 🇪🇬 · Accepted Answer

خلي عندك قاعدة 
التعليم مش مقياس
التعليم وجاهه اجتماعية عند ناس كتير لا اكتر ولا اقل 
واللي بيتعلم علشان يعمل حاجة (بيسيب البلد)
ياما ناس معاها شهادة بس للأسف

بس احب تفسري اكتر موضوع انك تكملي 
علشان نطرح حلول ولعل الله نكون سبب في حاجة جميلة تحصلك

وربنا يوفقك ويكتبلك الخير

Avocado_29696 🇪🇬 · Answer

نصيبك الي ربنا كتبهولك هيجيلك ولو حتى مش متعلمه خالص  اصبري

Strawberry_40306 🇪🇬 · Answer

بصي من الاخر أنا يمكن فاهم وضعك بس ك حل بناءا علي كلامك لو مهتم جدا تكملي هتشوفي شغل مثلا خياطة أو حاجة كدا عشان مصاريفك و إللي يبقي علي دروسك و لو مفيش روحي للمدرسين بكل أدب و بدون أي خجل عشان دا حقك صدقيني إنك تطلبي علم أيا كان فين و عند مين و إللي وافق وافق وإللي لا ف داهية و شدي حيلك و قربي من ربنا و بصي دايما لقدام لما تخلصي بصي لنفسك و فكك من الناس كلهم و قدري إنجازاتك و مع الوقت هتلاقي اللي

Strawberry_40306 🇪🇬 · Answer

يقدرك أيا كان وضعك و عيشي الدنيا ببساطه و اعرفي إنها حياتك مسؤوليتكم مش مسؤولية حد تآني فاهماني ؟ ف بالراحة علي نفسك و خذي الدنيا ببساطة
و قربي من ربنا و ربنا معاكي

Strawberry_39101 🇪🇬 · Answer

حبيبتي التعليم مبقاش مهم دلوقتى انتي لو اتعلمتي اي حاجه ك برمجه او فوتوشوب او جرافيك هتعدي صحابك اللي متخرجين من كليات دول انتي بس ثقي في ربنا وكله خير والجواز مش كده بجد انا اعرف دكاتره ومتجوزين بنات مش مكملين تعليم عادي ف مش شرط حوار ان واحد عشان معاه كليه يبقى يتجوز واحده برضو متخرجه من ليه او مكمله تعليمها انتي لو محترمه وواعيه وعارفه دينك الف واحد يتمناكي بجد

Cherry_36595 🇪🇬 · Answer

ربنا يفتحها عليكي وي يرزقك خير الزوج الي يساعدك تكملي وي يوقف جمبك

Avocado_40429 🇪🇬 · Answer

انا عايزه اتعلم لانتفع به مش مهم بالنسبالي الناس المهم احقق ولو جزء من حلم نفسي فيه وبرضو اعالج شعور النقص بين صحابي مش بصارح حد بحاجه زي كدا بس شعور جوايا
لما جيب اسجل في الدبلوم 3سنين قالوا هتدرسي من البيت وتدفعي مبلغ كبير شويه في التقديم وده الحل الوحيد الحكومي غير كدا بيكون معهد خاص من سنه مكثفه ل سنتين وناس كتيره قالولي بلاش معهد لانه مكلف ومش معتمد
وفقنا الله واياكم

Avocado_40429 🇪🇬 · Answer

ربنا يعجل لنا ما هو خير يارب💗

French Fries_40656 🇪🇬 · Answer

انا شايف انك ترجعى تأتى تقدمى ثانوية وتكملى ال بداتيه وموضع الدروس تستبدليه بشرح اليوتيوب فى قنوات كتير بتشرح وتحل وتاخدى درس فى ال ماده او الاتنين بالكتير ال هيكونوا ازمة بالنسبالك و ال انت هتبقى حاسه انك مش عارفه تسلكى فيهم وتشوفى شغل جنب الدراسة بحيث انه يغطى مصاريف الدروس ديه وال يتبقى تحوشيه 
او انك تقعدى سنه تشتغلي وتحوشى فلوس الشغل وبعدين تتفرغ للدراسة وتكملى طريقك 
و

Strawberry_29159 🇮🇹 · Answer

فيه ناس مش معاهم شهاده بس احسن مليون مره من إلا معاهم وبعدين مش كل الشاباب معاه شهاده

Apple_34207 🇪🇬 · Answer

ما دام معاكي نت يبقى تقدري تتعلمي برمجة

Marshmallow_51321 🇪🇬 · Answer

انا كا شاب لو ف بنت محترمه وبتصلي وعارفه يعني اي دين هيا دي البنت اللي تستاهل انما كا تعليم دي حاجه تاني واللي بيفكر يخد واحده متعلمه وبيبص بنظره دي ميستهالكيش وموضوع انك تكملي دا اسمعي ولعلو خير أن شاءالله بس مش عشان عريس لا عشان نفسك