نصيحة عن حب النفس من تجربة شخصية

Mango_72476 🇪🇬

منذ أسبوع واحد

شعور وحيد

أنا جايه ادى الناس إلى هتشوف كلامى نصيحه عن تجربه أنا مريت بيها خليك محافظ علي مشاعرك و نفسك و غالى نفسك محدش هيحبك بجد يحب يهينك او يقبل عليك زعل او اهانه من الأخر كده حب نفسك اكتر حد ممكن تحبه هو نفسك و خليك ديما غالى إلى عيدك هيعرف يتصرف

ليه الرضا بالقليل فى العلاقات مش نعمة؟

ليه لما تكون فى علاقة وترضى بالقليل، الطرف التانى يفهم إن من السهل جدًا يرضيك، فبالتالى هو مش شايف إنك تستحق الأكتر، لمجرد انك رضيت بالقليل! ليه فى العلاقات تحديدًا لازم نكون بنجرى ورا حاجة ليه لازم نكون خايفين طول الوقت من ان حد يخسر التانى ليه مُجبر تحسسنى إنى شاغل كللللل وقتك وتفكيرك واهتمامك ليه مش شايفين ان القليل اللى رضينا بيه ده… نِعمة وحافز نوصل من خلاله لرضا أكبر وتقدير أعمق. ليه ...عرض المزيد

6 الدعم

5 نصيحة

تجربتي مع الحب والانكسار في إسكندريا

متحمس جدًا أجاوب على السؤال ده لإنه ردى عليه السبب فى إنى أكتشف نفسى اكتر. كان فيه شركة خدمة عملاء فى إسكندرية بدون ذكر اسمها اسمها Octopus Outsourcing، أعلنوا فى open day انهم محتاجين ناس بيعرفوا يتكلموا إنجليزى وانا كنت عارف كويس الـInterview Process كانت ماشية ازاى.. فـ كنت بساعد الناس اللى رايحة تقدم فى التعليقات علشان أفهمهم التفاصيل، وأساعدهم، وأطمنهم وفيه منهم اللى بيبعتلى رسايل على البرايفت علشان يسألنى أكتر عن التفاصيل.. واحدة منهم حبيتها بدون داعى لذكر اسمها.. اسمها (S***** S*****) 😁 المهم إنها بعد ما استفسرت، سألتنى بعدها عن حياتى الشخصية بشكل سطحى، ودى كانت مفاجئة لإنى مكنتش متوقع ده..رديت عليها وكنا وقتها الساعة 5 الفجر السؤال جاب سؤال وعرفت انها ساكنة بالصدفة قريب من المنطقة اللى أنا ساكن فيها وكانت بتيجى عندنا علطول علشان الشاطئ اللى هى بتحب تروحه مع صحابها ! المهم ده شجعنى إنى أقولها نتقابل من أول يوم كلمتها فيه.. مع العلم: أنا مش بتاع خروجات ومكانى المُفضل البيت مع العلم تانى: فكرة إنى أطلب الخروج مع بنت دى كانت أول مرة فى حياتى، ومعرفش ليه لحد دلوقتى طلبت منها كدة عدى اليوم واتقابلنا وكنت مش أحسن حاجة بسبب إنى مش متعود أبدًا أقعد مع بنت لوحدها، وكان شعرها مكشوف ولابسه حاجات مسمحش لأهل بيتى يخرجوا بيها، علشان كدة كانت المقابلة موترة جدًا بالنسبالى وهى على النقيض تمامًا، كانت شخصية هادية ورزينة وبترد ردود عقلانية بدون ما احس منها بأى توتر أو خجل عدى يوم ورا التانى وقربنا لبعض اكتر وبعدنا اكتر…. من فترة قريبة اتمسكت أنا بيها و ركزت معاها أكتر ما بركز مع نفسى.. باخد بالى من تفاصيل صغيرة وكانت بتتفاجئ لما اقولها المهم، إنى أتعلقت بيها جدًا، لإنها كانت اول بنت فى حياتى يقرب منى بالدرجة دى، ويوم ورا يوم عمال بسرح وبتخيل حبها ليا وإنها بتحس نفس إحساسى ليها إن مكنش أكتر وفجأة.. قبل ما اكمل، هى بنت ذكية جدًا، فجأة لقيتها فى وسط قعدة قالت جملة أثرت فيا وسط ماهى بتتكلم عن نفسها قالت بالنص "انا عارفة إنك حبتنى" عملت نفسى مسمعتهاش، وكملت هى كلامها عن نفسها، وفالآخر قلتلها، هو الجملة اللى إنتى قلتيها دى عرفتيها منين ! قالتلى ده طبيعى بما إننا بنخرج ومش بخبى حاجة عليك وبتكلم معاك فى أسرار محدش يعرفها غيرك وقتها، انا أتوترت جدًا ومكنتش عارف أبلع ريقى ولا حتى إنى اتكلم، فكرة إن شخص يكون كاشف حُبك ليه، دى كانت صدمة 😱 مع إنها قالتلى كذا مرة إن (قلبها مش شغال) بسبب تجربة قاسية من حد كان هو كل حاجة بالنسبالها وأثرت عليها نفسيًا جدًا.. من 5 سنين المهم إنى كنت بقنع نفسى إنى هقدر أكون مختلف فى نظرها ودفعت تمن إقناعى من القعدة اللى انا اتصدمت فيها، لإن وقتها أكدت على جملة "إن قلبها مش بيحس بأى حاجة ناحية أى حد" وقتها صدمتى زادت ١٠ اضعاف، واكتشفت إنى كنت بحب واحدة لكن كان فى خياااالى أناااا وبسسسس أتمنى كانت القراءة ممتعة ❤️ وآسف على الإطالة 🙏🏽 ...عرض المزيد

5 الدعم

6 نصيحة