بتكلم من قلبي لقيت اللي قدامي عنده 15 سنة!

Watermelon_70037 🇪🇬

منذ أسبوع واحد

شعور منزعج

محتاجين لو سمحتو كل واحد يكتب عنده كام سنه وهو بيكتب النصيحه الابلكيشن اتملا اندر ايدج بطريقة فظيعه مينفعش اكون بنصح واحد او واحده واتكلم معاه كلام عميق من قلب قلبي واذكرله مواقف في حياتي يتعلم منها واحسه مش فاهم فاساله عندك كام سنه يقولي 15 سنه 😅😅😅

عايز شغلانه بفلوس معقوله ومش مهم المجود

طالب في مدرسة المجمع التكنولوجي المتكامل باسيوط الالمانيه طالع عيني شويه في تعلم الإنجليزية ول ألماني لاني معنديش صبر عليه بشتغل من وانا في 6 ابتدائي في الورش دخلت المدرسه بمزاجي عشان شايف ان الثانوية مش مناسبه ليه بسبب الانجليزي برده الفلوس مش كويسه خالص بنسبة في الورش حتى المصانع مش راضين يشغلوني عشان سني أصغر من 18 سنه نفسي الاقي شغلانه مناسبه بفلوس معقوله ومش مهم المجود ...عرض المزيد

1 الدعم

0 نصيحة

خايفة أكون السبب في بعد صحابي عن بعض

جماعة انا من زمان مش بيعيشلي صحاب يعني لازم بعد فترة يحصل حاجة و نبعدوا ف بنت عمي قدي و كان بين اهلنا مشاكل بس في اعدادي قربنا من بعض و بقينا اكتر من اخوات حصل بينا مشكلة بردو و بعدنا عن بعض كان لينا صاحبة تالتة جارتنا حصل بيني و بينها مشكلة و بعدت بعدين هما حصل بينهم حوار و بعدوا ف لما دخلت ثانوي اتعرفت على بنات في فصلي وكده كانوا اتنين و كل واحدة فينا من مدرسة شكل يعني منعرفوش بعض ف المهم الاتنين دول بقوا أصحاب اكتر و بقوا بيستات يعني وانا كنت صاحبتهم يعني بس مش نفس القرابة المهم كنت بمشي معاهم و بحاول ابعد شوية عشان محسش أنهم متجاهلني أو محسش اني مضايقاهم وكده ف كنت بسيب مسافة بيني وبينهم يعني المهم بعدها واحدة فيهم بدأت تقرب مني و بقينا صحاب بس كنت بتجنب بردو عشان مبقاش اخدت واحدة من التانية لاني مريت بموضوع زي ده و عارفة شعوره ف بعدين اللي قربت مني دي قالتلي أن التانية مصاحباها تملك اللي هو ملكيش علاقة بأي حد غيري وكده و حصل بينهم مشكلة و بعدوا وانا و التانية دي بقينا صحاب اوي ف كنت دايما اخاف ابان قدام التانية اني اخدت صاحبتها منها و بعدين العلاقة بينهم مكنتش احسن حاجة بس لو شافوا بعض يسلموا من بعيد وانا كانت علاقتي بالتانية عادي و حاليا انا و صاحبتي دي مبقاش بينا علاقة زي الاول عشان عرفت واحدة تانية و بقيت لما امشي معاهم احس اني لوحدي و كأني مش موجودة ف بدأت ابعد واحدة واحدة و صاحبتنا التانية دي علاقتي بيها زي ماهي بكلمها عادي و اسلم عليها عادي وكده و حاليا قربت مني شوية بحكم اني كنت بنزل معاها درس برايفت وكده ف دلوقت أنا علاقتي بيها مش قوية بس اقوى من صاحبتنا اللي كانت قريبة مننا المهم كنت طالبة أوردر و قسمته مع صاحبتنا دي و هقابلها بكرة عشان نستلموه خايفة صاحبتنا تعرف تفكرني اخدتهم من بعض و فرقت بينهم بجد ده اكتر حاجة بتمنى مكنش السبب فيها لاني عيشتها و عارفة شعورها عارفة اني لغبطتكم اوي حاولوا تفهموا. ...عرض المزيد

3 الدعم

3 نصيحة