أنا كنت مع شلة من صغري كانو ملتزمين آه وكنت معاهم قريبة من ربنا بس هما كأشخاص كانوا مؤذيين جداً ليا ووصلت إني أدخل ف حالة اكتئاب بسبب أذاهم المهم فضلت معاهم لحد ما خلصنا ثانوية عامة (ودي كانت أسوأ سنة ف حياتي بسبب أذاهم) المهم ف الجامعة اتفرقنا واتعرفت على شلة تانية ودلوقتي معاهم بقالي 3 سنين ودول بقا ناس سَوِيَّة جداً واللي هو قمة الراحة وأنا معاهم ودا اللي كنت محتاجاه بس المشكلة إني مبقيتش ملتزمة بحجات كتير وبقيت بغلط كتير وحاسة إنهم بيأثروا عليا جامد ف الجزئية دي وخايفة بجد بس ف نفس الوقت أنا مش عايزة أبعد عنهم لأنهم ناس بجد كويسين أوي. فا نصيحة بقا عشان حاسة إني تايهة بجد.

8

3