السلام عليكم مشكلتي صعبه حقيقي و محتاجه حد ينصحني اعمل ايه .. هحاول اختصر الموضوع لانه اكبر من الي هحكيه انا عمري صغير مش هذكر كام بالظبط و امي جبرتني اتجوز ابن عمي وانا قدام الكل موافقه.. حصل امور في الأمور و انا وابن عمي طلعنا مش كويسين لبعض نهائي انا مش طيقاه و مش عارفة اتعامل معاه وهن اسوء مما تخيلته بمراحل لكن كان الهروب اتقفل لان اتكتب كتابنا و كنت بترجي امي تخليني اتطلق قبل الفرح وهي مش راضية و عملت مشاكل كبيرة و قالتلي ابوكي هينزل يقتلك .. انا خفت و هربت من البيت مسافة 12 ساعة سفر .. دورو عليا يومين و جابوني بعدما رفعت عليهم قضية و ابويا لما رجعني كنت حاسه أنه متدمر رغم أنه ما اذانيش لكن المنطقة الي ساكنين فيها مش كويسه و جبت لاهلي الكلام بأني هربت ومحدش بيرحم حد هنا و المصيبه جبت ليهم الكلام كمان في شغلهم ودا اسوء و اسوء بمليار مره .. حاليا انا لا حليت مشكلتي و بالعكس زدت الطين بلة و مش عارفة اذاكر و محتاجه بشكل يأس اني اجمع فلوس حوالي 100 الف عشان يحطوها ع فلوسهم و ننقل من بيتنا لبيت تاني بعيد عن المنطقة دي و برضو هتجوز في شهر 3 الجاي انا حاليا مش همي نفسي لاني هحاول اتصرف لانه مكتوب عليا اتجوزو و اتحمل ظلمو و الي بيحصلي من وراه لكن عايزة اساعد اهلي و مش عارفة اعمل ايه و فكرت في حاجات مش كويسه و وضعي سيئ مش عارفة اركز خالص في اي حاجه انا عايشه زي الميته حقيقي حد ينصحني احلها ازاي طيب ؟

2

5