من حوالي 8 شهور عرفت بنت ومن اول يوم اتشديت ليها جدا وهي برضو نفس الكلام وفي مرة كنت مزعلها وكنا بنقعد في مكان بتاع واحدة اعرفها من زمان المكان دا بتاعها هو اتيليه بس معظم الوقت بيكون فاضي فكنت بطلع عادي ونبقا لوحدنا فكلمتها وقولتلها تيجي كان في نيتي ان اصالحها عشان مزعلها وكدا وفجأة جت على حضني بدون مقدمات وكنا لوحدنا وحصل ما بينا علاقة وهي قبلها كانت معرفاني انها مش بنت من انها كانت في اعدادي وكانت بتمارس العادة السرية وكدا في الاول الموضوع مدخلش دماغي ولحد انهارده برضو بس غصب عني حبيتها وهي من بيت محترم جدا جدا لدرجه متتوصفش وعلى قدر من الجمال وفضلنا مع بعض فتره وغصب عني حبيتها بسبب اهتمامها الكتير مع انه كان صعب جدا ان احب حد اصلا بسبب اني عرفت بنات كتير وارتبطت كتير وانا صغير فمكانش في مكان في قلبي لحد تاني لأن كل اللي فات كان استنزاف للمشاعر على الفاضي منهم واحده قعدت معاها 5 سنين مرتبطين ومحصلش نصيب وفركشنا ودي حاجه تانيه خالص واللي متأكد منه انها بتحبني اوووووي مش بتحبني بعقل لا بتحبني لدرجه متتوصفش وانا برضو نفس النظام ومن حوالي اسبوع كنا متخانقين وعملتلها بلوك بس كنا متعودين على كدا مبنكملش يومين متخاصمين وكنت كل يوم بنتقابل ونخرج عارف ان دا غلط ومينفعش المهم ان لما اتخانقنا كانت مشكله كبيره ولما عملتلها بلوك كانت قاعده بتعيط واخوها دخل يشوف في ايه ومسك الموبايل وشاف اخر الشات بيني وبينها واخوها من نفس جيلي ويعرفني خد رقمي وكلمني وقعدنا وبصراحه هو معملش اي رد فعل عنيف او مشكلة او اي حاجه شبه كدا قعدنا في كافيه وقولتله ان بحب اخته وهتقدملها واللي مأخرني على الموضوع ان مستني استقر بس في الشغل اللي انا فيه عشان مينفعش اجي واقولك مش شغال والحمدلله استقريت فالشغل وناوي اتقدملها ومحتاج نصيحتكم بدون تجريح لو سمحتم

1

2