هل أستمر مع بنت جريئة اشتغلت وهي صغيرة؟

Avocado_53048 🇪🇬's منشور

Avocado_53048 🇪🇬

منذ 3 أيام

.

شعور لا مبالٍ

انا ٢٨ سنة ودخلت جروبات علي الفيس خاصه بالزواج والارتباط اتعرفت علي بنت ١٩ سنة من محافظتي طريقة التعارف مكنتش مباشرة هي كلمتني علي انها ست كبيرة وبتدور لقريبتها علي عريس واداتني رقمها وقالتلي اتعرف عليها انا كنت فاهم كل دا بس قولت اكيد من الخجل وعايزه تحافظ علي كرامتها واتقابلنا وقعدنا اتكلمنا كل حاجه تمام الا انها كانت بتسالني عن رايك في الشغل فقولتلها مش بحب البنت تشتغل فصارحتني انها اشتغلت قبل كدا من وهي صغيرة في اتيلية وماركت ومكتب وكافيه ولما سألتها عن الاكونت صارحتني وقالتلي ان هي فعلا اللي كانت بتكلمني وقرايبها قالولها علي موضوع الجروبات علشان تلاقي الشخص المناسب وتختار براحتها لان والدها كان بيجبرها علي ناس مش بترتاح معاهم وكلمت كتير لحد ماارتاحت ليا اعمل ايه اكمل والبنت ثقة وامان وهتخافظ علي بيتي وعلي غيابي ولا جريئة زيادة عن اللزوم وموضوع الشغل وهي صغيره في الاماكن دي مضايقني نصيحة ولكم الشكر

7

30

Hazelnut_52786 🇪🇬

أفضل نصيحة

.

منذ 3 أيام

بص يا صاحبي، البنت باين عليها شجاعة وعاوزة حد تحبه وتختاره بنفسها، وده مش عيب. اشتغلت وهي صغيرة علشان تساعد نفسها وتهرب من ضغط أهلها، مش علشان تلف أو تخرج بره السكة. لو قلبك مرتاحلها وشايفها هتحافظ على بيتك، خليك راجل وقد الكلمة، بس لو الشك ماليك، انسحب بأدب

14

0

Apple_54263 🇪🇬

.

منذ 3 أيام

انا شايف ان انت تتعرفو ع بعض اكتر وتدو لنفسكم فرصه تكتشفو بعض بردو يعني فتره خطوبه مثلا لاكن الشغل عادي مش عيب ولا حرام

2

1

French Fries_54349 🇪🇬

.

منذ 3 أيام

اولا البنت صريحه م جريئه صارحتك بكل حاجه وقالتلك الحكايه ١ ٢ ٣ ، وصارحتك انها اشتغلت برضو مكانت ممكن تقولك لا ولا كنت هتعرف ، + ان الشغل م بيخلي الواحده تفتح ولا تبقي جريئه ولا اي حاجه م دي خالص متحكمش ع حد ،هيا ممكن تبقي اشتغلت عشان فلوس وكده ومساعده للأهل هيا م هتقولك كنت بشتغل وأدى اهلي ، بس اي يجبرها ع المرمطه د من صغرها فحين ان اللي زيها قاعد بيجيلهم الفلوس لحد عندهم د بالعكس د حاجه تعلي منها

12

0

French Fries_54349 🇪🇬

.

منذ 3 أيام

انا واحده من الناس كنت شغاله من صغري جمب دراستي وماركت ومصنع وماركت تاني ومصنع تاني وكتير وبقولك وللامانه لله ولا فتح عيني ولا اي حاجه من دي مل واحد زي ما متربي هيفضل، ان شاء الله لوالظروف حطتها وسط ١٠٠ راجل هتبقي هيا ال ١٠١ ، انا بصراحه شايفه تديها فرصه يمكن دي تبقي نصيبك وربنا يقدملكو كل اللي فيه الخير.

11

0

Croissant_54449 🇪🇬

.

منذ 3 أيام

سؤال لو انت قلقان من التعارف علي جروب ليه بدأت الموضوع من الجروب من الاول بدل دي حاجة مقلقة ليك؟ مش قصدي حاجة وحشه والله بس بفهم منك بس ربنا يوفقكوا ان شاء الله و يكتبلكوا الخير 🙏🏼

1

0

Popcorn_52587 🇪🇬

.

منذ 3 أيام

البنت عندها صفات كويسة، لكن عندك تحفظات بخصوص طريقة التعارف وشغلها وهي صغيرة. المهم إن العلاقة تكون مبنية على التفاهم والقبول، مش مجرد حكم على الماضي. لو شايف إن بينكم انسجام وتفاهم، ناقش مخاوفك معاها بصراحة، وشوف إذا تقدروا توصلوا لحل يريحكم الاتنين

12

0

التجربة أفضل عبر التطبيق

حمّل تطبيق توهيل على هاتفك لتجربة أسرع