نصائح للمراهقة: كيف أحافظ على مشاعري وأتخطى الفترة دي؟

Question

يا جماعه انا حاسه ان فترة المراهقة دي فترة وحشه اوي كل شويه احس بمشاعر غريبه زي مشاعر الحب و حاسه ان دا غلط و اني مكنتش كده زمان او مثلا لو شوفت ولد بيبصلي اعجب بيه بس انا الحمدلله مش بدي اي فرصه لحد انو يكلمني عشان ثقه ربنا و ثقه اهلي فيا و اتمني اني اكون كده علي طول و متأثرش بالفتره دي و خصوصاً اني لسه في بدايه المراهقه فا لو حد عندو نصيحه ياريت يقولي او لو حد عدي بنفس الموقف يا ريت يقولي نصيحه و عايزه احافظ علي مشاعري كمان عشان متخلصش او متتبعترش علي الفاضي علي حد ميستهلش و  كمان تبقي محفوظه للي هايجي في الحلال

Corn_71708 🇪🇬 · Accepted Answer

دا طبيعي ف السن ف لو باباكي موجود خليه هو يعوضك عن دا ولو مش بيعرف يبقي حنين اقري روايات او اتعلمي هواية او اعملي اي حاجة تسحلك و تفصل عقلك شوية.. اصعب اختيار ليكي ف السن انك تسيبي وقت فراغ لنفسك

Nutella_72660 🇪🇬 · Answer

دي طبيعي جدا في الفتره دي

Mango_70768 🇪🇬 · Answer

كونك بتقولي الكلام دا باين انك ناضجة وعاقلة وبتفكري كويس
بصي المشاعر الغريبة الي بتحسيها دي طبيعية جدا لان ففتره المراهقة دي المشاعر لسه بتتكون زي الحب والإعجاب وهكذا وبتحصل تغيرات كدا في الهرمونات 
ف انتي حافظي على نفسك واهتمي بيها وحافظي على قلبك لحد مايجي ابن الحلال

Ice Cream_63106 🇪🇬 · Answer

شوفي المشاعر دي طبيعية بس اياكي تطلعيها بره
لو فيه واحد كنتي هتموتي عليه إياك تعرفيله لان ده ساعتها هيكون حرام وهتستهلكي قلبك ومشاعرك على الفاضي
ربنا يثبتك حاولي فترة المراهقة تكون مثمرة
احفظي قرآن بجد اهم نصيحة لان بعدين مش هيكون عندك وقت
واتعلمي مهارات و لغات
 كده انتي هتسبقي سنك بمراحل

Marshmallow_72658 🇪🇬 · Answer

بصي انتي بجد لحد دلوقتي ماشية حلو اوي كل الي انتي فيه ده طبيعي وكونك مدركه كل ده وبحافظي على نفسك ف شابوه بجد كل الي انتي محتجاه تقربي من ربنا اكتر وتدعي كتير بالثبات لحد ما ربنا يرزقك الحلال ، ممكن ييجي وقت ونفسك هتوزك انك تتنازلي عن مبادئك ساعتها افتكري كل لحظه وقفتي فيها قصاد نفسك وقولتي لأ وافتكري دايما ان مفيش أحسن من الحلال بجد

Marshmallow_72658 🇪🇬 · Answer

بجد مفيش حاجه هتساعدك انك تتخطي المرحلة ديه بسلام غير قربك من ربنا ، وأتمنى تبقى أفضل نسخه من نفسك

Strawberry_69537 🇧🇪 · Answer

هو بابا الحمدلله مديني حنان و لكن في اوقات هو بيبقي مشغول فيها بس فيه احساس بيقولي انو عايزه حب بس يعني برا مش عارفه انت/ي فاهماني ولا لا

Strawberry_69537 🇧🇪 · Answer

انا الحمدلله بصلي بس في اوقات بنتكس فيها ساعات بس ان شاء الله ربنا يثبتنا و شكرا علي النصيحه

Corn_71708 🇪🇬 · Answer

فاهمك و دا دورك ف انك تجاهدي نفسك و تستقيمي و تحاولي تشغلي نفسك باي حاجة حلال لان النفس امارة بالسوء

Strawberry_69537 🇧🇪 · Answer

شكرا علي النصيحه بجد انا حسيت بالانتماء من الكومنتات انو كل شخص حس بنفس المشاعر شكرا ليك/ي

Strawberry_69537 🇧🇪 · Answer

بجد شكرا علي النصيحه و التحفيز دا

Marshmallow_72658 🇪🇬 · Answer

طبيعي يحصل انتكاسة بس خلي الصلاة الحاجه الوحيده الي متنقطعش بجد اوعي تفرطي فيها  حاولي بكل مقدرتك بجد واول ما تقعي قومي تاني وخلي عندك صحاب يشجعوكي على ده ، هيساعدوكي جدا يعني

Strawberry_69537 🇧🇪 · Answer

بجد شكرا اوي علي النصيحه انا الحمدلله معايا لغه و هحاول اشغل نفسي ب اي هوايه و إن شاء الله ربنا يعوضنا بالحلال

Strawberry_69537 🇧🇪 · Answer

الفكره اني في بلد كلها منكر بس هحاول انتظم اكتر و اجاهد نفسي و شكرا جدا انك نصحتني انا الصراحه حسيت بالانتماء

Strawberry_69537 🇧🇪 · Answer

شكرا لحضرتك جدا بس بحس اني بعمل حاجه غلط

Strawberry_69537 🇧🇪 · Answer

ماشي هحاول و هجاهد نفسي شويه و شكرا جدا