هنتقابل بكره لأول مره فيس تو فيس - انصحوني!

Question

واحد اسمو مؤمن مرتبطين بقلنا 68 يوم بس كنا نعرف بعض من قبلها يعني بكثير صحاب 
وعمرنا ما قابلنا بعض علي الحقيقه ولا مره لان هو من الفيوم وانا من المنوفيه بس هو طيب اوي ومحترم جدا وانا حاليا في اكتوبر وهنتقابل بكره لاول مره فيس توو فيس 
انصحوني بقا

Chocolate_58313 🇪🇬 · Answer

اتعرفتوا على بعض ازاي

Orange_61792 🇪🇬 · Answer

انصحك م تقابليش حد بدون معرفة والدك 
و اي تعامل يكون في اطار رسمي خطوبة و زواج .

Marshmallow_66462 🇪🇬 · Answer

اول حاجه خلينا في دواعي الامان 
لازم تكوني باعته اللايف لوكيشن بتاعك لحد قريب منك و اكونته برضوا و لو هتركبوا عربيته تاكسي او اي حاجه حتي لو ميكروباص النمر تتبعت لنفس الشخص اللي هتبعتيله اللوكيشن 
تاني حاجه لبسك 
متلبسيش حاجه مختلفه او جديده عن استايل لبسك خليكي في العادي بلاش تغيير مبالغ

حاولي تروحي مكان عارفاه و لو هو قالك انه يعرف مكان احسن او كدا ارفضي

Strawberry_66719 🇪🇬 · Answer

هو هنتقابل في عربيته وكمان انا واخده معايا صاحبتي

Strawberry_66719 🇪🇬 · Answer

مهو هو والله عاوز يجي يتقدملي بس لو جه دلوقت بابا هيرفضه وهو محترم اوي علي فكره احنا هنشوف بعض بس لان احنا فعلا بنحب بعض كمان انا هاخد صاحبتي معايا مش هنقعد لوحدنا

Strawberry_66719 🇪🇬 · Answer

عن طريق ابليكيشن اسمو Mazz

Orange_61792 🇪🇬 · Answer

متثقيش ف حد الا اللي داخل من الباب و واضح هو عاوز ايه ،احنا سهل جدا علينا نقنعكم اننا ملايكة نازله من السما.وجود صاحبتك ميفرقش ف حاجه .
ربنا يحفظك و يحميكي .
يا اما رسمي و مباشر يا اما بلاش

Tofu_19483 🇪🇬 · Answer

أنصحك متثقيش فيه ولا تقابليه وتقطعي علاقتك بيه علشان ده حرام ومتضمنيش والله لو بان إنه كويس جدًا متآمنيش ليه ولا تقابليه وحافظي على نفسك

Tofu_19483 🇪🇬 · Answer

ف عربيته؟وصاحبتك ده ممكن ياخدكوا انتوا الاتنين ويبقى معاه شله أصلًا ،حافظي على نفسك يا حبيبتي بلاش تخليه يستفزك عاطفيًا ويأذيكي لو بيحبك هيدخل البيت من بابه

Tofu_19483 🇪🇬 · Answer

أوعي تقابليه أوعي ثم أوعي حافظي على نفسك يا حبيبتي ده لو أذاكي خلاص كده هتدمري من كل حاجه وهو هيعيش حياته ومش هيهمه متثقيش ف حد إياكِ تثقي ف حد

Orange_61792 🇪🇬 · Answer

انا شوفت من تعليقاتك انكم هتقابلوه ف عربيته 😂😂😂😂
حافظي على ابوكي و على اسرتك ،و عشان تعرفي
هو مش هيتجوز بنت عرفها من ع النت و عرف يقنعها انها تنزل تقابله ف عربيته من ورا اهلها 
و ترجعوا تقولوا انتم مش بتثقوا فينا ليه
م انتي ادتيله السبب اللي يخليه ميثقش فيكي بعد كده 
بالتوفيق.

Marshmallow_66462 🇪🇬 · Answer

بلاش 
بعدين first date ايه اللي بيبقا في عربيه نصيحه بلاش

Avocado_58229 🇪🇬 · Answer

اوعي السكه دي سطه شمال ارجوكي بلاش حافظي ع نفسك ارجوكي

Strawberry_25620 🇪🇬 · Answer

اظن ان الكومنتس اتوصت بيكي ع الاخر ولو عملتي اللي في دماغك بردو تبقي غلطانه ولو كرامتك سمحتلك تقابلي الاهبل ده في عربيه ف انتي هبله زيه مع احترامي ليكي طبعا ..هوا  لو محترم بجد مكانش قالك عربيه 
وصاحبتك مش هتحميكي عادي دي مصلحه بالنسبالو زيادة الخير خيرين😂
يلا ربنا يهديكي وترجعي عن قرارك ده ياريت نبقا واعيين لتصرفاتنا اكتر من كده