🛑 نصايحكم لاخوكم الصغير 🛑 انا وخطيبتي بنحب بعض بس مختلفين في بعض الحاجات بحكم اني بخاف من فكرة الحلال والحرام. خطيبتي عايزة في فرحنا تحط ميكاب ونرقص سلو انا وهيا واشيلها والف بيها زي ما بتشوف على السوشيال ميديا. انا عندي ده حرام واغير عليها إن أي راجل يشوفها بكامل زينتها ولا إن حد يشوفنا وانا برقص معاها سلو ولا موافق اني اشيلها والف بيها وسط ما الناس كلها شايفانا. عندي مشكلة كذلك في الافلام والمسلسلات بعد الجواز مش موافق عليهم اطلاقا وهيا اتربت عليهم من صغرها كذلك انا بس فيما بعد عرفت إن ده غلط في بعدت عنهم جدا الحمدلله. مش عايز اولادنا مستقبلا ينشأوا على حاجة حرام (لو معارضني فكر معايا ايه حكم انك تفضل باصص لبنات حرام عليك تبصلهم وهما بيرقصوا أو بيتدلعوا أو بيغنوا أو لابسين لبس كاشف شوية على التليفزيون ؟) انا مش قادر اوصل لحل وسط بيننا وخايف الاختلافات دي بعد الجواز تخلي حياتنا جحيم. انا حاسس إن الأسلم إننا نسيب بعض من دلوقتي احسن ما يحصل بعد الجواز واحنا الاتنين نتدمر اكتر بس مش عايز اكون مستعجل وبعد كدا اندم وهيا متربية كويس ما شاء الله بس كان ناقصها تعرف في الدين اكتر.

7

11