محتاجه نصايحكو في حب واحد منفصل وعنده ولاد

Question

انا محتاجه نصايحكو واللى مر بالتجربه دى يقولى حبيت واحد منفصل من خمس سنين وعنده ولدين عايشين مع طليقته بيحبنى جدا وبحبه اتقدم كذا مره واهلى رافضين عشان ظروفه وانا مش عارفه اعمل ايه

Pistachio_56152 🇪🇬 · Accepted Answer

اتكلمي مع اهلك ويا تقنعيهم يا يقنعوكي

Avocado_57644 🇪🇬 · Answer

اسمعي كلام اهلك جتك القرف في اختيارك🙂

Avocado_57644 🇪🇬 · Answer

جتك القرف انتي كمان في ردك 😂

Coffee_52706 🇪🇬 · Answer

في اي ظروف غير انه منفصل وعنده اولاد ؟

Nutella_26879 🇪🇬 · Answer

اتكلمت معاهم ورافضين تماما  بس انا بحبه ومش عارفه ابعد

Nutella_26879 🇪🇬 · Answer

لاء هو حد كويس جدا وبيحبنى جدا

Pistachio_56152 🇪🇬 · Answer

اكيد في سبب لرفض هم شايفينو  غير الي انتي شيفاه

Coffee_52706 🇪🇬 · Answer

تمام انا قصدي ايه اسباب رفض اهلك

Nutella_26879 🇪🇬 · Answer

ليه كده المشاعر مش بايدينا وان هو دخل تجربه ومنجحش فيها مش ذنبه

Nutella_26879 🇪🇬 · Answer

عندهم مخاوف من ناحيته وشايفين ان ليه ترتبطى بحد ليه تجربه قبل كده وانتى ملكيش تجربه سابقه وعشان عنده اولاد وان دى مسؤليه

Strawberry_39895 🇪🇬 · Answer

اهلك عندهم حق

Cherry_56436 🇪🇬 · Answer

اهلك عندهم حق اسمعي كلامهم وابعدي عنه ده عنده اولاد يعني في حاجة تربطه بطليقته جايز يحن بلاش تجيبي لنفسك مشاكل وانتي لسه معشتيش حياتك

Apple_58687 🇪🇬 · Answer

بص يا حبيبه اخوك انا عاوزك تعملي تسالي ايه اسباب الطلاق الجواز الاولانيه ليه عشان ده يوضح له في نقط يعني مثلا ايه المشاكل اللي اللي واجهته

Sugar_57606 🇪🇬 · Answer

انتي لسا انسه دا اولا 
وثانيا فرق السن بينكم كام سنه 
دول من عوامل الرفض او القبول

Nutella_26879 🇪🇬 · Answer

اتكلمت معاه فى كل ده وهو حكى كل شئ بصراحه ومعترف باللى ليه واللى عليه ومعترف باخطاءه بس اعلى رافضين يدو فرصه ويسمعو منه ومتخوفين من الموضوع ككل وهو جرب مره واتنين وبرضو فى رفض وحتى انا اتكلمت معاهم فمش عارفه ايه الحل دلوقتى وهو عنده استعداد يحاول تانى بس انا خايفه كتر الزن يجيب نتيجه عكسيه

Nutella_26879 🇪🇬 · Answer

فرق السن طبيعى احنا الاتنين مش كبار وانا مدخلتش اى تجارب قبل كده لاء

Apple_58687 🇪🇬 · Answer

بصي بقى انت هنا تلعب على نقطه ايه تتكلمي والدتك بالراحه وحاولي تفهمي دماغ ها تمام وتقنعيها وهي انا بقدر ان هي تقنع الحاج عشان هو الكل فالكل  بس انت خليك عارفه هم عاوزين لك الاحسن ان هم مش بيكرهوك

Sugar_57606 🇪🇬 · Answer

لا طبعا مينفعش لان لو جينا نحسبها 
هوا جرب مره وانتي لا
ف الموضوع بيبقي غير عادل اطلاقا
مش حرام بس مش محبب
بسبب انه بيبقي عنده فتر من الحوار دا
وانتي  لسا بنت ف حرام تظلمي نفسك حتي لو في حب بينكم

Strawberry_58560 🇪🇬 · Answer

ممكن يكون اهلك شايفين حاجه انتى مش شيفاها مرايت الحب عميه قاعدة معاهم واعرفى سبب الرفض

Coffee_58600 🇪🇬 · Answer

اهلك عاوزين ليكي فرصه احسن
المجتمع دايما شايف ان المطلق فاشل و دي نظرة عاديه مجتمعيه ولا هتودي ولا هتجيب
بس انتي لو فعلا بتحبيه لازم تاخدي الموضوع جد اكتر من العادي
مثلا
متأكده ان أسباب طلاقه ملهاش علاقه بأخلاقه 
كمان 
الولاد دلوقت مع الام، طب هل عندك استعداد انهم يعيشوا معاكي في يوم من الايام ان حصل ؟
كمان
الخلفه
هل هو مكتفي بولدينه من زواجه السابق ولا عاوز يخلف تاني
و هل مقتدر ماديا يعمل كده

Coffee_58600 🇪🇬 · Answer

افصلي الحب و ادرسي الموضوع بمنتهي العقل و منتهي الصعوبه
علشان تتأكدي انه جاد في حبه ليكي 
لان جوازكم بالوضع ده صعب
عاوز زوجين متفاهمين و قادرين علي حل معجزات المشاكل لابعد الحدود 
و ربنا يوفقك

Coffee_52706 🇪🇬 · Answer

هما اكيد بيتكلموا صح في نقطة الولاد لكن هو ان ليه تجربه قبل كده دي حاجة عاديه مفيش فيها مشكلة بس خالينا نتكلم بالعقل شويه فكري مع نفسك لوحدك هل انتي عندك استعداد تتحملي مسؤولية ولاده ولا لا

Pineapple_55159 🇪🇬 · Answer

طالما اهلك بيقولو لا اسمعي كلامهم لانهم بيبقو شايفين اللي انتي مش شيفاه بجد