عاوزة اخد منحة هارفارد ومش بعرف التزم بسبب نومي

Mango_76877 🇪🇬

منذ أسبوعين

شعور مستنزف

جماعة انا نفسي اخد منحة لهارفارد و انا حاليا في أولى ثانوي ايه الحاجات اللي تنصحوني بيها و ازاي اخلي الإنجلش بتاعي كويس؟ و في مهارات كتيرة و حاجات كتير نفسي أتعلمها مثلا عاوزة أتعلم البرمجة او أي حاجة زيها المشكلة اني مش بعرف ألتزم على حاجة بسبب مشكلتي مع نومي، نومي بايظ جدا جدا فكرت اخد منوم قبل كدا من كتر ما موضوع نومي دا مبوظ حياتي دا غير ان الدراسة بدأت و لسه مشوفتش دروس و لا أي حاجة حتى الصلاة مش بصليها عشان بكون نايمة طول النهار مش بعرف انام بليل و لو نمت بكون عاوزة انام الصبح برضو

مش عارفة أختار كلية ولا شاطرة في إيه؟ عندي تشتت رهيب

جماعه انا عندي مشكله في تحديد انا عايزه اخش انهي كلية او عايزه اطلع ايه اصلا ، انا لسه اولي ثانوي و لكن الموضوع ده شاغل بالي جدا خصوصا انه انا خلاص السنه الجايه لازم اختار المسار اللي انا عايزه اخشه و اختاره بناءا علي انا عايزه انهي كلية و لكن الحقيقه انا مش قادره احدد انا عايزه ايه و لا انا شاطره في ايه ، لأني بطبيعة الحال إنسانة بتمل بسرعه جدا و بحب الحاجه يبقي فيها تجديد مستمر فمفيش اي حاجه تقريبا انا حبيتها او بدأتها و كملت فيها زي مثلا لعبة او او رياضه او كتاب او انمي او فلم دايما بييجي لي فجأة فقدان شغف في الحاجه حتي لو انا بقرأ كتاب و في قمة الاحداث و الحماس بقي عادي جدا ممكن اقفله و اقعد بالشهور علي ما افتحه تاني و حتي و انا صغيره مكنش عندي حلم وظيفه معينه كنت بس بفكر انه نفسي اكون أم و اعيش حياة سعيده مع اولادي بغض النظر مين جوزي عمري ما تخيلت وجوده اصلا ، بس انا دلوقتي قدام قرار مصيري و خايفه اختار حاجه محبهاش و اكون عايزه اغير مساري و اضيع سنين اكتر من حياتي في نفس المرحله ، انا فكرت شوية في اني اطلع دكتوره بغض النظر عن التخصص عمتا و لكن امي مش عايزاني اخش طب و بتقولي اخش حسابات و معلومات و انها شايفاني في مجال الجرافيك ديزاين و البرمجه ، بس انا مش بحب الحاجات الممله دي اني افضل قاعده شغلي كله من الكومبيوتر و مفيش حركه و مفيش اي حاجه جديده او مميزه ده ملل بالنسبة لي بس هي شايفه اني ادخل كلية اقدر اشتغل منها اون لاين عشان لو بقيت أم ميبقاش عائق اوي ، هي عموما مش بتجبرني علي حاجه و قالت لي براحتك بس انا بنصحك ، انا عندي تلت مشاكل كمان مخليني مش عارفه اختار تخصص اكتر ، الاولي انه عندي تشتت رهيب و تركيزي وحش جدا و ذاكرتي كمان ايه السبب معرفش بس ده من و انا صغيره التركيز عندي سيئ ، ثانيا اني ما شاء الله تبارك الله شاطره في اي ماده و في اي لعبه و في اي مهاره و في اي حاجه عامة و ده مخلي عندي تناقض اكتر لأني شاطره في كل حاجه طب اخش ايه بقي ، تالت حاجه اني اتعودت من و انا صغيره علي التسويف و ده كمان اللي مخلي شاطرتي دي عيب مش ميزه لأني مش بستخدمها عدل بسبب التركيز السيئ و التسويف رغم إن ما شاء الله تبارك الله عليا بذاكر قليل جدا و بجيب فرق بيني و بين اوئل دفعتي درجتين بالكتير مثلا مع اني لو ذاكرت عدل انا عندي إمكانية اطلع الاولي علي الدفعه كلها فعلا ، بس انا مبمشيش غير بالتحفيز المستمر و الجوايز يعني امتحانات الشهر بتاعت الدروس بحسها منافسة و بجيب درجات عاليه لكن اخر السنه او نص السنه مش بهتم اوي ، انا محتاجه حل لأن الموضوع مأثر علي عقلي الباطن و علي جودة نومي و مخلي عندي قلق و توتر مستمر ...عرض المزيد

1 الدعم

6 نصيحة

خليك اناني عشان تنجح وتلتزم

خليك دايما شخص اناني بلا رحمه وهنا مش قصدي ك أذيه للغير ولكن لضبط النفس يعني لما تظبط جدول يومك علي مذاكره كورسات وانك تروح جيم مثلا ويجي صاحبك يكلمك ف وقت ما انتا بتذاكر انك تطلع معاه ف ارفض وهو لو شخص عاقل مش هيعترض ولو معجبهوش الكلام ف سيبه المهم انت النجاح بيجي من الالتزام والاستمراريه خطوه ورا خطوه ومش مهم يكون عندك صحاب كتيير كفايه لو ٣ بيحبوك وناجحين زيك ...عرض المزيد

2 الدعم

1 نصيحة