فاضل شهر علي الامتحانات ومش عارف اذاكر!

Question

انا في تالتة ثانوي و فاضل شهر علي امتحاناتي و لسة بفتح تاريخ و مش احسن حاجة في العربي ولا الفرينش
اي نصايح او اي حد كان في نفس الحوار دة و ربنا كرمه و انجز في شهر و جاب مجموع حلو؟!!

Apple_15656 🇪🇬 · Answer

انا تالته بردو 
الفرنش سهل يتلم ابدأ من دلوقتي و احفظ الكليمات كويس عشان هتساعد معاك في المقالب و القطعة 
العربي لو انت كويس فيه من قبل كده ف هيكون معاك سهل عايز حل كتير بس ف ابدأ مع مراجعة اى مدرس عندك مستر رضا الفاروق أو محمد صلاح الاتنين كويسين جدا بس انا بفضل محمد صلاح

Apple_15656 🇪🇬 · Answer

انا علمي ف معرفش التاريخ عندك ايه نظامه بس ابدأ حالا و حل كتير الحل بيثبت المعلومة و روح ذاكر سيب الفون و هتلم الدنيا أن شاء الله شوية جد بس

Strawberry_15604 🇪🇬 · Answer

وانا في تالته جات في دماغي فكره مجنونة اوي وهي اني اجل كام ماده كدا عشان اريح دماغي بصراحة مكنش في بالي مجموع عالي ولا حاجه سبت فيزيا وجيو واحياء .. الكلام ده في شعر ١٠ عدى الايام وكنت خلاص صميت المواد الباقيه جيت في شهر ٣ ايام كورونا الاولى ٢٠٢٠ لقيتني مش عايزه انزل ع النظام الجديد ف غصب عني رجعت اخدت ال٣ مواد اللي مكنتش عارفه فيهم حرف حتى لا بدايتهم ولا نهايتهم ..

Apple_15656 🇪🇬 · Answer

متقلقيش من العربي عشان في مقالي و في متحرر زي القراءة و النصوص عايز تدريب كتير اهم حاجة اظبط النحو

Strawberry_15604 🇪🇬 · Answer

وكنا في ايام حظر بقى لا فيه سناتر ولا دروس ولا اي حاجه حتى ماكنتش لاقيه حد يجي برايفت بالفلوس اللي يطلبها .. 
بس ايه بقى حصل انا كنت لما بدات افوق كنت في شهر ٤ او نص ٤ كدا بما اني كنت تعبانه نفسيا بدات مذاكره قولي قبل دلوقتي ب اسبوع مثلا .. وخلاص انا كنت وصلت لاقصى مراحل اليئس بس ايه بقى استسلم لا طبعا كملت وكانو ٣ مواد علميه .. ده غير باقي المواد اصلا اللي بدات انساها ..

Strawberry_15604 🇪🇬 · Answer

بس عديت صافي الحمد لله بفضل ربنا وجبت ٨٣ هو مش مجموع واو بالنسبه لمجاميع صحابي بس الفكرة اني عديت خلاص وربنا وفقني … 
المغذى من الكلام ده انك هتقدري مهما عدى الوقت شدي حيلك وشوفي منصة او برايفت او حتى مع نفسك وهتعدي حقيقي هي سنة زي اي سنة حرفيا بس ضغط الاهل والناس والدروس والضغط اللي جواكي اللي بيصعبها ربنا معاكي انتي وكل اللي قدك ويفرحكم بنتيجة تعبكم♥️

Apple_15554 🇪🇬 · Answer

احب ادعمك واقولك ان اعرف واحده لكت الفرنش في شهر  وقفلتو كمان  وهي ف اللسن دلوقتي

Mango_15663 🇪🇬 · Answer

بصي هو انا باخد مع محمد طارق و ده بالنسبالي احسنهم يعني ان انا جربت التلاتة و ارتحت مع دة بس مشكلتي الوحيدة في النحو ان حرفيا انا مبعرفش افكر في اسئلته بجد بحس اني مخي بيوقف او ما باجي احله

Mango_15663 🇪🇬 · Answer

بحاول اشد حيلي فيه بحد و ابعد عن اي حاجة بتشتت

Mango_15663 🇪🇬 · Answer

مشكلتي كاها فيه اصلا بس اهوه بحاول😂

Mango_15663 🇪🇬 · Answer

يارب بجد يارب اتمني ان الدنيا تظبط معايا و تبقي حلوة كدة و اعدي من السنة ديه علي خير بتعبها و ضغطتها و كله بجد♥️

Mango_15663 🇪🇬 · Answer

طب كانت بتاخد مراجعات مع مين؟

Apple_15554 🇪🇬 · Answer

بصراحه معرفش اون لاين كان مع مين انا اعرف شخص كان بيديها درس بس

Apple_15554 🇪🇬 · Answer

في مسيو اسمه محمد عرفه بصراحه جميل جدا