نفسي أتجوز وألاقي شريك حياة جدع

Question

عارفه ان الجواز قسمه ونصيب وعارفه ان كل حاجه بميعاد بس انا حد ما بخرجش كثير علاقاتي الاجتماعيه محدوده جدا جدا وسن كبر ونفسي اتجوز ويبقى لي بيت ولاقي راجل  يشاركني حياتي واللي باقي من عمري عشان كده لجات لمواقع التعارف قلت يمكن الناس اللي انا مش بشوفهم في حياتي الطبيعيه اشوفهم فيها بس للاسف لقيت ناس كثير مش مهتمه ومستهتره بالتعارف وانا مش عارفه اعمل ايه دلوقتي علشان خاطر الاقي شريك حياتي فهل حد ليه أي تجربة مع مواقع الجواز يقولي رأيه و يديني نصحيته في الموضوع عموما

Hazelnut_52786 🇪🇬 · Accepted Answer

خدي وقتك ومش تستعجلي . واعرفي 
ان الجواز فعلا قسمه ونصيب . واكيد هايجيلك رزقك في وقتو

Coffee_58600 🇪🇬 · Answer

خدي وقتك جدا و منيتعجليش
و نصيحه مني اعملي ورقه فيها كل الصفات و الاخلاق الي انتي عايزاه في شريك حياتك 
و اتعرفي علي الناس و خدي وقتك في استكشاف الصفات دي في الشخص الي قدامك

Pear_51536 🇪🇬 · Answer

خدي وقت و متستعجليش خالص لان دي قرار مش سهل و حاولي تخرجي تشتغلي روحي چيم اتعرفي علي ناس متقفليش علي نفسك و سيبك انك كبرتي ف السن و الهبل ده .
 انتي كام سنه اصلا ؟

Banana_49508 🇸🇦 · Answer

إذا كان اللي وجهاً لوجه مش نافع يبقا اللي عن بعد هاينفع 
اصبري ورزقك جايلك

Marshmallow_60269 🇪🇬 · Answer

متستعجليش علي حاجه كله بوقته والله وبلاش برامج التعارف مظنش فيها ناس كويسه ولا بردو بتاع الجواز دا

Avocado_55997 🇪🇬 · Answer

عارفة أنه معظمها ناس مش تمام بس محدش بيشوفني ولا بشوف حد في الحياة الطبيعية ومش عارفه اعمل ايه وسني كبر ونفسي الاقي الونس اللي بجد

Avocado_55997 🇪🇬 · Answer

بروح جيم ومع ذلك مفيش حاجه وبشتغل وشغلي مقفول خالص عليا لانه مفيهوش اي اختلاط ومش عارفة اعمل ايه انا دلوقتي ٤١ سنة وحاسة بوحدة فظيعة من غير راجل يشاركني حياتي ويبقي لي السند والونس في اللي باقي من عمري