نفسيتي مش أحسن حاجة وعاوز أبدأ سنة جديدة بدون هموم

Question

يريت يشباب تردو عليا انا بنزل البوستات ومحدش بيهتم 
انا عيد ميلادى يوم 25 الشهر ده ونفسيتى مش احسن حاجه وانا فى جامعه ودراسه ومشاكل مع الاهل وخزلان فى ناس كتير ومعنديش صحاب وعايش وحيد فا محتاج افصل وانسى كل اللى فات علشان عاوز أبدا السنه الجديده دى بدون اي قلق فى حياتى او مشاكل تنصحوني اسافر ولا اخرج فين ولا اعمل اي للعلم اي حاجه هعملها او اي مكان هروحه هكون لواحدى فا علشان افصل من كل الهم اللى فى حياتى وابدا سنه جديده وبحياه جديده تنصحوني اعمل ايه

Chocolate_28269 🇪🇬 · Accepted Answer

بص ممكن تعمل عمرة مثلا بحيث تقرب من ربنا اكتر  أو تعود نفسك علي عادات جديدة من بداية يوم ٢٥ زي الجيم و تتعلم حاجات جديدة و تطور من نفسك و تشغل نفسك علي طول و ساعتها مش هيبقي عندك وقت تفكر في أي مشاكل
و كل سنة و انت طيب مقدما 🤍

Watermelon_30346 🇪🇬 · Answer

لا مش لواحدك تعالا ياعم نخرج سواا

Onion_40049 🇪🇬 · Answer

انا ب ١ الشهر الجاي فرحني معاك

Cherry_41016 🇪🇬 · Answer

شوف قرب من ربنا اول حاجه هعملها في السنه الجديده دي وهتلاقي كل الهموم راحت عنك وبقيت احسن بكتير والله وحاول تكون صداقات بس تكون صحبه صالحه تشدك للأحسن وهتلاقي الحياه بقت جميله وتحب صحابك وأهلك وتثق فيهم لامهم هيكونوا اهل ثقه جرب ومش هتخسر

Coffee_31604 🇪🇬 · Answer

عنيا ليك يخويا كل سنه وانت طيب مقدما يعم♥

Coffee_31604 🇪🇬 · Answer

شرف ليا يغالى والله ♥️

Cherry_40014 🇪🇬 · Answer

اخرج اتمشى ف مكان هادي مثلا وروح سينيما وجيب لنفسك هديه بتحبها كانك بتشتري لحد وجرب اكله جديده مثلا ف مطعم حلو