مش قادر أطلع سجاير وطعمها بقى يقرف

Question

ياريت لو في حد بطل سجاير يفيدني 
انا بقالي 8 سنين بدخن حتي وانا بلعب جيم مبطلتش مع اني بصلي 
انا مبطله بقالي4 ايام بس انهردا اشتريت علبه مش قادره اشرب سجاره بدوخ وطعمها مر جدا كل شويه بولعها اشرب نفس واطفيها وشويه واولعها تاني محتاجاها بس طعمها بقا يقرف 
نفسي ابطل حد يفيدني

Orange_68178 🇪🇬 · Accepted Answer

سيبك من كل اللي قال الموضوع سهل جدا لا الموضوع صعب جدا بس عاوز اراده 
السجاير بتتبطل مره وحده عن تجربه ، مفيش حاجه اسمها هقلها وحده وحده  دا اول حاجه
تاني حاجه حددي ميعاد للاقلاع وشوف فيديوهات عن اضرار السجاير
تالت حاجه الاستعانه بالله والنيه الصادقه وربنا يتوب علينا  جميعا

Pistachio_74417 🇪🇬 · Answer

استعيني بالله وادعي انه يقويكي علي ده وممكن بدل السجاير مؤقتا تشربي فيب وتقللي نيكوتين بالتدريج

Pineapple_61257 🇪🇬 · Answer

بلاش فيب لأنها هتسبب ادمان أكبر و هتكمل معاها و أسال أي حد مجرب

Banana_69853 🇪🇬 · Answer

و الله يا صديقي الحال من بعضه و انا برضو نفس الكلام و بطلتها كتير و رجعتلها بل بالعكس دا بقيت بشرب حشيش كمان بقالي شهر فا انت لو لقيت حل فيدني معاك

Pistachio_74417 🇪🇬 · Answer

يسطا الحل في الفيب بس متسخدمهاش اربعه وعشرين ساعه عشان هتتعود ع النيكوتين اللي فيها تقدر تشرب ٥٠ نيكوتين وتفضل تنزل بالتدريج وعن تجربه

Plum_74525 🇪🇬 · Answer

هو الموضوع صعب كدا ؟ 
اومال الي بيشربو مخدرات يعملو ايه

Pistachio_74417 🇪🇬 · Answer

للاسف يا صاحبي أصعب مما تتخيل عاوزه حد عنده اراده

Mango_74700 🇪🇬 · Answer

الفيب اخطر

Plum_74525 🇪🇬 · Answer

يجماعه كنت بشرب فيب وكحول وحشيش وبطلت الحمدلله كله وتبت المفروض بس السجاير صعب ابطلها شويه هي اخر خطوه في القرف دا

Banana_69853 🇪🇬 · Answer

هجربها  بس المشكله بحسها تناكه انت فاهمني

Mango_74700 🇪🇬 · Answer

الموضوع بسيط يا جماعة والله انتو بس الي واهمين نفسكوا انكو مش قادرين تعيشو من غيرها 
كله عارف اضرارها و انها ملهاش فوايد و النيكوتين دا بيتفرز من المخ عادي جدا لو بطلت 
الموضوع كله قرار وعزيمة خد القرار انك تبطل وخلي عندك عزيمة ان السجارة دي مش هتتحكم فيك 
وربنا يعافيكو يارب

Pistachio_74417 🇪🇬 · Answer

طالع عليها سمعه انها روشنه للشباب بس هي جهاز فعال

Plum_74525 🇪🇬 · Answer

السجاره دي ملجأ لاي موقف عصبي بيحصل لاي وحع بيحصل بنهرب للسجاره هي الحاجه الوحيده الي بتطبطب علينا وتهدينا زيها زي الكحول واي ادمان تاني فالي بيبطل تدخين بيغير تفكير وحياه هي مش مجرد سجاره

Chilli_48447 🇪🇬 · Answer

الموضوع محتاج اراده ومحتاج حد يكون متابع معاك يومك ومش يسيبك لدماغك لان السبب فى كل ده ان دماغك مشغوله ومليانه زحمه ومش عارف تاخد قرار فى حياتك وحاول تجيب فيب 
على فكره أنا مبطل سجاير بقالى فوق السبع سنين ومبقتش بطيق ريحتها

Plum_74525 🇪🇬 · Answer

هههه

Kiwi_70606 🇪🇬 · Answer

لن تزولا قدم عبد يوم القيامه حتي يُسأل عن أربع : عن عمره فيما أفناه وعن شبابه فيما أبلاه وعن ماله من أين إكتسبه وفيما أنفقه وعن علمه فيما عمل فيه  
وقال اهل العلم ان السجاير حرام شرعا مهلكة للمال وللصحة والبدن انت مش حتبطل شربها إلا لما تكون النيه لله انها حرام وانا يارب انتهيت عما حرمت واعتبرها جهاد في سبيل رضا الله الذي يملك نفسك وجسدك وروحك وله مافي السماوات وما في الأرض سبحانه وبحمده جل شأنه

Banana_69853 🇪🇬 · Answer

ايوااا بالظبط كدا 
يعني ايه ادخل العزبه اللي ساكن فيها ماسك في أيدي ڤيب 
اظن وصلتك كدا😂

Plum_74525 🇪🇬 · Answer

ونعم بالله

Coconut_73608 🇪🇬 · Answer

هاتي بود هيبقي لذيذ اووي ومعقول عن السجاير انا من ساعة ماجبته مشربتش سجاير ولا احتجتها اصلا

Mango_74700 🇪🇬 · Answer

فاهم دا بس في مليون طريقة الواحد ينفس بيها خنقته ممكن اكل ممكن اخرج اتمشى ممكن اصلي ممكن اقرا قرآن ف اني مقتصر على السجاير دا ضعف كدا هي الي مسيطرة عليك 
انا عمري مشربت سجارة ولا حتطها ف بقي بس فكرت كتير اوي اشربها بس برجع افكر هتفرق ف اي هتفيد ب اي لو انا فمشكلة وشربت سجارة هتتحل ؟ يبقى لازم ادور على وسيلة تانية

Potato_66678 🇪🇬 · Answer

التقليل مع الوقت وتركيبه تقلله

Plum_74525 🇪🇬 · Answer

عجبتني

Orange_68178 🇪🇬 · Answer

ربنا يكرهك فيها يارب