كنت بكتب من زمان أوي وبالنسبالي مكنتش مجرد موهبة أو تمضية وقت ، بالنسبة لشخص مكنش بيحس بالسعادة أو الفرح بسهولة كانت حاجة كبيرة أوي زي المنقذ كده في ابتدائي وإعدادي كنت مشهورة بين زمايلي بالموضوع ده ودخلت مسابقات ورتبت الحمد لله بس كبرت ونسيت حاجة مهمة ، أيوة نسيت أعمل صحاب الي المفروض كانو في الوقت يقرأو الي بكتبه ويشجعوني ويقولو رأيهم أنا من النوع الي بيؤمن جداً أن عرض الكتابات على أشخاص ورأيهم بينمي المستوى الكتابي جداً بس للأسف كان ما كان الفترة دي اتشجعت وأخدت قرار أنشر روايتي على واتباد بس حرفياً غباء والله ، يعني حبكت في وقت فاينل الكلية وأنشرها ، فمكنش في فرصة أركز في المذاكرة والرواية في نفس الوقت فالموضوع قصر أكيد في الرواية لأني استوليت المذاكرة المهم أنا فكرت لو كان في حد هنا مهتم بالقراءة ومتفرغ وعنده تذوق للكلمات والسرد والحبكة يقرأ الفصول الي نشرتها ويقولي رأيه من غير مجاملات هيبقى حاجة جميلة وهكون بجد شاكرة جداً ، وبالمناسبة السرد والحوار فصحى أيوة أنا دقة قديمة معلش 🙂 وشكراً مقدماً 🤍

4

6