part two : نديكم مباشرة لعام الباك كان عام جدا ممتع الصراحة و معمر بالتحديات و كنت نقرى صباح و ليل و مع اساتذة خاصين (للمعلومة حالتنا المادية نقدر نقلكم اكثر من متوسطة يعني الحمد الله ميسورين الحال ) تعبت و قريت و حاولت و ديت الشهادة لكن مش بالمعدل لي كنت باغيه اكتأبت لمدة شهر و ما كنتش واجد باش نسجل في الجامعة و خليت مسألة التسجيل للوالدة بحكم هي لي محيطة بامورنا الدراسية و رسمت في عقول افراد العائلة و عقلي فكرة اني انا نميل للامور التقنية و التخصصات التقنية ،و المفاجاة اني امنت هاد الكذبة لي مكانش منها بدا العام الجامعي و سجلوني في تخصص st و كنت نكره الساعة لي خليتهم يتحكمو في قراري ممكن تسقسوني علاش ؟ نقلكم باسك من اول نهار نتائج تاع باكالوريا قررت نعاود الباك و نبرهن بلي نقدر ندي كثر لحق شهر نوفمبر سجلت للباك و بلوكيت العام تاعي في الجامعة تحت حجة انيما نقدرش نوفق بين الاثنين في الوهلة الاولى الوالدة كانت رافضة لكن لعد اصراري قبلت و خلاتني نبلوكي و قعدت نقرا في الدار كانو يصراو بزاف مشاكل كي بقيت في الدار تحت شعار الراجل ما يقعدش في الدار بصح انا قعدت باش نقرا مشي باش نقعد !!! الى ان طالت بي الاحوال وين حاولو بزاف يستفزو اهلي بجملة " وشبيه ولدهم قاعد في الدار كي المراة" هوما مشي بيهم يعايرو بيهم يعرفو علاش حبست الجامعة لاني وعدت نفسي نكتم فكرة اني راح نعاود الباك خلوني ندير فاصل و نمدلكم نظرة سطحية بلي اهلي سواء اخوة ولا والدين يديرو بزاااف على الناس يعني راي الناس يهمهم بزاف و ياثر فيهم عكسي انا تماما قد ما قالو عليا ما يهمنيش في الناس المهم انا متيقن بلي على صواب لحق الباك جوزتو بعد عناء كبير من الضغط النفسي المفاجاة اني ديت حرفيا نفس معدل الدورة الاولى ! حزنت و كتأبت لكن ما فشلتش والديا رفضو رفضا قاطعا اني نعاود للمرك الثالثة في الدار و اصرو اني ندير تخصص و نعاود اذا حبيت و خديت برايهم و بدلت الولاية و خيرت تخصص عشوائي غير باش نسكتهم و نعاود الباك تاعي كنت نقرا من و من و تمرميد الاقامة و بزااااف مشاكل صراو خلاوني ندخل في دوامة كبيرة شعري طاح هملت صحتي وزني زاد وليت نحب نقعد وحدي بعدها صراو بزاف احداث في حياتي صحابي جبدت عليهم بعدما لقيتهم يستعملوني عاطفيا لاني كنت نسمع مشاكلهم و هوما كانو يتجاهلو تاوعي و يقولولي نتا تزيد عليها بزاف المفيد بقيت وحدي حرفيا و هاد الشي خلاني نتعلم بزاف على روحي و نعرف وش نحب وش ما نحبهش و هنا قررت و عرفت مصيري وشنو انا بلاصتي في مجال التجارة و ادارة الاعمال .

2

1