ندى الناس حجمها الطبيعي بلاش العشم

Marshmallow_61979 🇪🇬

منذ 3 أيام

شعور منزعج

بجد في أصناف معينه كدا مينفعش معاها غير التجاهل لما بندى ناس اكبر من حجمها بتبدا تشوف نفسها واستحقايقتها بتزيد فلا يجماعه كل واحد نديه حجمه الطبيعي أو أقل من الطبيعي بلاش العشم ودى حاجه اكتشفتها متأخر اوووووى بس late better than never 💁

حياتي كلها شعور المطالبة والحب المشروط

غالبا محدش بيعرف يعيش بوحده لازم يحس بالدعم من الناس الى حواليه.. انا معرفش الشعور دا الى حسيته اغلب عمري هو شعور المطالبة انى مطالبة طول الوقت تجاة الى حوليا .. مطالبة تجاة بابا وماما بالطاعة وانى اكون شاطرة الفكرة مش في بذل المجهود وبس لا انا مطالبة انى احقق نتيجة والا لو كانت النتيجة مش مرضية ليهم مش بيعترفوا بالمحاولة او المجهود.. انااكتر كلمة سمعنها في حياتى انى مقصرة في حين انى متعلمتش ابه حقوقي ايه حقي ع الى حوليا جيت الدنيا عشان احقق رغبات وتوقعات محدش سألنى انا عايزة ايه محدش كان بيراعى مشاعرى الا بالمزاج ولما يكون المود حلو..يمكن طريق نجاتى الوحيدة وانى اعرف استمر كان خيالى انااتحبيت حب خيالى كل شئ حلو في حياتى كان في احلامى.. لكن في الواقع اتعاملت بالحب المشروط لذلك انا حد دايما بيبدي الغير ع نفسه مهما ضغطت نفسي ولو هصرف اخر قرش معايا المهم ارضي الى حوليا.. ممكن يتسمى كرم ولكن من جوايا بحس انى ملزمة ولو مكنتش ع مستوى التوقعات هبقى مقصرة.. ولكن من جوايا كنت مستنية اللحظة الى هكون مش ملزمة فيها واحس ان حد بيعملى حاجة من غير م يعايرني بيها حد يحسسنى انى استحق يتبذل عشانى إستحقاقيتي كانت متوقفة ع تقدير الى حوليا ليا والا انا بنكر انى محتاجة حاجة .. كبرت وفهمت ان كل دا غلط بس بعد م الوقت كان فات بعد م بذلت كتير واكتشفت انى كنت ببذل عشان بس اتحب وانى متحبتش بشكل صادق حتى من اقرب الناس.. بس مع كل دا كان ربنا ديما موجود اكتشفت حب ربنا الى كان دايما محاوطنى وانا مش شيفاه مش هبالغ لمااقول ان الى كان بيربيني هو ربنا الى نجانى من حاجات كتير هو ربنا .. ربنا ف عز ضيقتى وانكساري من وانا طفلة لحد النهاردة بيبعتلى ناس والله لااعرفهم ولا يعرفوني الاقيهم بيمدحوا فيا اكتر كلمة كنت بسمعها منهم ياريت كل الناس تكون زيك وهما ناس مش عارفاني بس كلمة بتتقال فاكتر وقت صعب بتهون عليا زبفهم انها رسالة من ربنا.. انا مش بقول ان الناس اشرار واناالى طيبة لانى مش طيبة انا بحس ليه عمرى مااتحبيت زى م مل الناس بتتحب لحد النهاردة لازم ابذل كتير لو تعبت شوية او سرحت مع نفسي او مكنتش قادرة بيتهموني بالتقصير كل حاجة بتنتهتى انا مبعرفش اقول لحد انى تعبانة او معنديش طاقة الا لمااكون جبت اخري وبندم بعد كدا لان الى بيعملك حاجة صغيرة بيكبرها اوى ويفضل يعاير بيها انا مش عارفة انا بكتب كدا ليه بس ادعولى ربنا يراضيني ولكم بالمثل ...عرض المزيد

1 الدعم

11 نصيحة