اسفه لو هطول عليكو بس حاولو تساعدوني ولو بنصيحة انا جديدة لسه فاتحه البرنامج انهاردة بس و حاسه انها إشارة ليا أن حد يسمعني و ينصحني انا 18 سنه تالتة ثانوي عام حالتي الاجتماعية مش احسن حاجه خالص للاسف والدي شغله مش دائم يعني بيشتغل يوم اتنين لا و هكذا و مش مربح كمان يعني اليوم 300 جنيه بكتيره ووالدتي بتشتغل مع واحده بتساعدها وبتتمرمط اليوم كله عشان 70 أو 80 جنيه المهم أن احنا مقدمين على شقة من شقق السيسي الجديدة دي لان مكناش نقدر نشتري شقة خالص وكنا بندفع قسطها كل 3 شهور وجينا على نفسنا اوي ف نفس الوقت اهلي كانو عاوزين يعملو حساب يحوشو فيه فلوس بس مكانش ينفع لأن مينفعش يعملو حساب باسمهم و هما مقدمين على الشقة في عملو باسمي انا للاسف للاسف للاسف جيت فترة انتشرت فيها لعبة الطيارة والالعاب اللي بتكسب فلوس دي زي قمار يعني الموضوع جه ف دماغي قولت اخد جزء من الفلوس العب بيه و اكسب الضعف أو الضعفين عشان اقدر اتعلم السنه دي و اساعد بابا وماما بباقي الفلوس بس للاسف فضلت العب و اخسر و اعاند و اقول المرة الجايه هكسب لحد م خسرت 70 الف کاملین انتو متخيلين ال 70 الف دول اهلي حوشوهم ازاي و حاولت اداري على الموضوع بقالي اكثر من 3 شهور بداري على الموضوع ومش قادرة اعمل حاجه و مش عارفه اتصرف ازاي ففلوس كل يوم بموت نفسي من كتر العياط و مش قادرة اعمل حاجه مش قادرة اشوف كسرة اهلي انا ندمانه و عارفه اني غلطانه بس اقسم بالله كنت حاسه اني مغيبة الفترة دي و كل اللي شاغلني أننا يبقى معانا فلوس عشان منفضلش فالمستوى دا و للاسف كل حاجه ضاعت وجه الوقت اللي خلاص كلمونا فيه على الشقة و كان من كام يوم و المفروض اننا منتظرين مكالمة من البنك عشان نروح ندفع الفلوس و مش عارفه اعمل ايه مش عارفه حاسه اني هموت والله مش عارفه اتصرف انصحوني بالله عليكو مش قادرة اواجههم ممكن يموتوني فيها انا استاهل كل حاجه بس مش قادرة اشوف كسرتهم غير أن أول قرار هياخدوه بعد كدا اني مكملش تعليم 😭

16

12