زي انهارده من سنة بظبط كانت نتيجة الثانوية العامة و طبعا اللي انا جبته دا مكنش مجموع دا كان ديس كاوند 😂😂💔 و كان 51% تقولي ازاي اقولك والله معرفش طبعا انهارت و قولت خلاص بقي مستقبلي ضاع بس سرعان ما دخل حياتي بنوته زي القمر و حبتها و قدرت تنسيني جزء من همي المهم نرجع تاني للثانويه العامه و بما اني نحس طول عمري ف كنت حاطط فبالي اني لو جبت مجموع عالي ف هدخل حاسبات و هزاكر و ادرس سيكيورتي و حاجة حاببها طب لو مجموع اقل شويه خلاص يبقي السن و اهو اكون استفدت بلغه لو رايح ف داهيه بقي هدخل معهد نظم و معلومات و كان بقاله 4 سنين بياخد من 50% و طبعا اللي حصل غير كدا ف كان المعهد اللي بياخد من خمسين علي حظي بقي من 56 و الجامعات الاهليه و الخاصه اللي بتاخد من خمسين برضو خدت من 53 وانا كدا خلاص روحت ف داهيه قولت خلاص اعمل اختبارات تربيه رياضيه و ادخلها لو مجموعها خد من 50 وانا اساسا عمري ما لعبت رياضة و جسمي لوحده يخليني اترفض من قبل ما ادخل اساسا😂💔 و حطيت الرغبات كلها تربية رياضية بكل محافظاتها و حظي يجي ف تربيه رياضيه طنطا و اسكندريه كانت واقفه معايا علي درجتين و اعمل تقليل اغتراب و اتقبل رغم أن المفروض اساسا اترفض عشان تقليل الاغتراب لازم تكون جايب نفس الموضوع او اعلي أو فرق نص درجة ايدي وجعتني الصراحه لو حد مهتم هعملها برايفت و لو حد مهتم هبقي اكمل ف البرايفت + متتعشمش انها خلصت بحاجة حلوه لا انا مخنوق ف بفضبض معلش طولت عليكو😂😂💔

1

1