مين مش نفسه يحب ويتحب؟! الفكرة ديما هيا انك تلاقي الشخص المناسب بيبقى صعب اوي تفضل عايش لوحدك بدون شخص بيحبك بجد. تتعب وتذاكر وتشتغل وتقعد شهور مترجعش البيت ولا تشوف أهلك وانت بردو مش عارف أنت هنا ليه ولا عايز ايه. الموضوع فعلا صعب اوي لازم تنزل وتتعامل وتجرب كذا شخص عشان تعرف انت عاوز مين يكمل معاك بس الفكرة هل هوا كمان عايزك تكمل معاه ولو عايزك مش يمكن لو استنيت شوية تلاقي شخص أحسن. هل الحب بيكون بالتقييم يعني الشخص دا كويس فأنا هحبه او لأ بس أهم حاجة الروح م الشكل لازم يكون مقبول وكويس طبعا ويكون الشخص نفس طبقتك العائلية والاجتماعية بس لأ المفروض تتعامل مع كل شخص سنين عالاقل عشان تعرفوا بعض بجد وتحسوا أنكم بتحبوا بعض. لازم تدي سنين ف كل علاقة ممكنة وانت مش معاك الوقت دا كله. هل الحل هيا انك تختار أي شخص راضي بيك ترتبطوا وتتجوزوا ف أسرع وقت ممكن وهتحبه مع الوقت ولا مستحيل هتقدر تحس معاه فعلا بطعم الحياة والحب الحقيقي. أنا بتكلم ف الموضوع دا عشان أنا تهت ف حياتي كتير ف الأسئلة دي.

10

0