انا متعود كل يوم وانا مروح من الشغل اني بركب المترو و حصل موقف كنت بسمع عنه بس عمري ما شوفته كان في حد راكب معانا هحاول اقولها بطريقه شيك شويه عقله خفيف او فاقد عقله انا كنت فكره بيستهبل في الاول بصراحه بس لما ركزت في تصرفاته لقيته هو كدا بجد كان قاعد بيكلم نفسه بطريقه غريبه أكن هو شايف حد احنا مش شايفينه و بيلزق وشه في ازاز الباب بتاع المترو و عمال يشاور و يتكلم بي الاشاره و كان في بنت افتكرتك هيضايقها لكن لقيته شاف معاه ستاند موبيل من اللي بيتباع في المترو فا طلب منها يشوفه ادتهوله مسكه كان فرحان بيه و بعد كدا اداهولها تاني و رجع يكلم نفسه و انا فضلت طول المشكله مركز معاه و جوايا اساله كتير أن هو ايه اللي وصله لي المرحله دي هل اتعرض لي صدمه مقدرش يستحملها فا بقا كدا و لا حد فضل ياذيه و يفتري عليه و عيشه في عذاب عشان يوصل لي كدا فضلت الاسئله دي تدور في راسي و مش لاقيلها اجابه ايه اللي يخلي الواحد يوصل لي المرحله دي

4

7