موقف ضايقني في الشغل ومقدرتش أرد

Question

حصل موقف ضايقني انهردا في الشغل انا بشتغل مع أطفال صعوبات نطق فكنت بشتغل في جلسه مع طفل لقيت زميلة اقدم مني في المكان معاها مايك لعبه اللي بيطلع صوت دا وقاعدة بتلعب بيه مع الأطفال علشان يتشجعوا وينطقوا وكانوا بينطقوا فعلا فسألتها بيتعان فين علشان لو الاطفال بيحبوا ابقي اطلعهلهم وينطقوا قامت المشرفة زعقتلها علشان قالتلي مكانه وانه غالي وممكن ابوظه ومحدش بيستعمله غير البنت دي مش دا اللي ضايقني اللي ضايقني اني معرفتش ارد وسكت وحسيت اني كنت عايزا اعيط ومسكت العييط بالعافية كنت عايزا علي الاقل ارد او اخد اي ردة فعل وحاسة اني متضايقة جدا

Ice Cream_74765 🇪🇬 · Accepted Answer

متضايقيش خالص كان ممكن تقوليلها طب ما تعلميني و اهو كله في مصلحة الشغل و المركز

Hazelnut_74319 🇪🇬 · Answer

ماتزعلش نفسك
واضح ان المشرفة ماعندهاش حسن تصرف وقليلة الذوق كمان 
المشكلة مش فيكى او ف تصرفك  عشان تتضايقى ولا دا شئ لا يقل منك ولا حاجة
كبرى دماغك وركزى ف شغلك

Chilli_48447 🇪🇬 · Answer

ولا غالى ولا حاجه لو محتاجه منه قوليلى وانا اجيبه ليكى ببلاش موحود عندى فى الشركه مفيش اكتر منه ده اولا 
ثانيا انتى محتاجه للى يكون معاكى ويتابع معاكى يومك ويسمعك ويفكر معاكى ويقولك تتصرفى ازاى وتعاملى ازاى مع الناس إلى ذى دى