تجربتي مع الجواز الفاشل والحمل - العوض كان كابوس

Question

مكملتش سنة متجوزة ورجعت بيت اهلي حامل وخلفت وخلاص هطلق 
في ناس بتقولي أنه اتعملي حاجة بسبب أن حاجات كتير مكنتش منطقية وحياتي كانت بايظة من اول يوم ف الجواز الحمد لله اولا واخيرا 
نفسي كل واحد مر بتجربة زي دي يقولي عمل ايه وازاي ربنا عوضه لاني كنت فاكرة أن دا العوض لكن الحمد لله كان اسوء كابوس ف حياتي

Avocado_63640 🇪🇬 · Accepted Answer

بصي لو فيه نيه صلح من زوجك كلميه مش عيب ولا تقليل منك وحاولي تصلحي
ملقتيش استجابه بقي واضطريتم للانفصال فعلا امر صعب لكن ربنا بامر الله هيعوضك ويخلف عليكي
ركزي مع طفلتك وحبيها واستمتعي بنعمه الامومه وبامر الله تتعوضي بزوج صالح

Banana_63629 🇪🇬 · Answer

U are not alone... Always their is a ears to hear you... Don't lose hope

هتعدي إن شاء الله

Watermelon_63493 🇪🇬 · Answer

يا جدعان انتوا بتهببوا ايه في الخطوبة
ما الشخصيات بتبان يا جدعان فى الخطوبة
وللا هى معمولة ليه الخطوبة
مهو عشان نشوف متفاهمين ولا لا

Avocado_63757 🇪🇬 · Answer

مبنتش غير حاجات بسيطة متخليش الخطوبة تتفشكل

Watermelon_63493 🇪🇬 · Answer

وحياتك نعيم اوى
مستعجلة على الخلفة عشان تجيبي عيل يشوف النعيم اللى انتى فيه
ماتصبري شوية
عموما مش وقت تقطيم وتكسير مجاديف
مافيش حاجة اسمها سحر وخرة
انتوا لو دى لغبطة بتاعة بداية الجواز
اصبروا شوية وارجعوا لبعض واستحملوا بعض لحد ماتتعودوا على طباع بعض
لو شايفه انه مستحيل عشرة جوزك
الحمدلله انك اتطلقتى
وربنا يعوض عليكى بحد احسن واتعلمى من غلطتك وماتكرريهاش

Cookies_55741 🇪🇬 · Answer

قدر الله وما شاء فعل والحمد لله انا من رايي انك تعرفي الحاجات اللي كانت اللي كانت او المواضيع او سبب الطلاق نفسه اذا كانت سوء تفاهم عصبيه زياده خناقات حاجات كثيره قوي او اختيار غير مناسب والحياه ما وقفتش لحد كده المهم ان احنا نتعلم من الاخطاء علشان ما تتكررش تاني وانا مقدر الحاله اللي انت فيها وربنا يعينك

Avocado_63757 🇪🇬 · Answer

بصي بالنسبة لاني أكلمه دي اخر حاجة ممكن اعملها حتى لو هموت لاني لما غضبت عند اهلي قبل ما أولد مسألش فيا ولا حاول حتى يتواصل معايا وبقالي اكتر من شهرين عند اهلي وهما الي متكفلين بكل مصاريفي وهوا لا سأل فيا ولا ف ابنه ومصدر باباه وعمامه ف كل حاجة وعمالين يشتموا علينا ويقولوا كلام افترى عليا وأبويا كان مستنيهم يعملوا قعدة صلح رفضوا وعندهم أنه يحصل طلاق ولا حد منهم يعترف أنه غلطان

Avocado_63757 🇪🇬 · Answer

بيت العيلة وعدم استقلالي بحياتي وسلبية جوزي وأنه للاسف شخصيته منقادة لامه وأخواته وانه كان معتبرني مجرد فرد من الأسرة مليش حقوق

Avocado_63640 🇪🇬 · Answer

اقسم بالله جوزي شخص منه لله عامل نفس الحوار بس بقالي ٤ شهور عند اهلي واتجوزت ٦ شهور بس والحمد لله محملتش منه واهله خربوا الدنيا وجم كلموا اهلي بطريقه زفت وبتاع وهو كلم ابويا زفت وعكها لكن انا بردوا مرضتش ادخل محاكم وقلت احاول اصلح وبعتتله وكلمته وعاتبته بلطف طبعا مردش ومستجبش فهرفع عليه نفقه وقايمه منقولات بقي مقداميش حل تاني
لكن ضميري مستريح اني حاولت اصلح وبعتتله مره واتنين وتلاته ومغدرتش بيه

Avocado_63640 🇪🇬 · Answer

وعملت باصلي فانتي حاولي مرة واتنين وتلاته ف الصلح ولو حابه تدخلي خدمه لم الشمل بتاع الازهر دخليهم
دة بيتك يا فتاه ويستاهل محاولات
مستجبش يبقي الله المستعان بقي قضيه نفقه وقايمه منقولات وهو غصب عنه هيبدا يعلن نيته انه يكمل او يسيبك لحال سبيلك
وربنا يكتبلك الخير ويهديكم لبعض يا رب

Avocado_63640 🇪🇬 · Answer

ومتركبيش دماغك العند يورث الكفر كلميه واحتسبيها لله وخيرهم من يبدا بالسلام حتي علي الاقل تبقي ريحتي ضميرك وف نفس الوقت دة زوجك مفيش بينكم حرج

Avocado_63757 🇪🇬 · Answer

الحمد لله انك محملتيش الموضوع بيبقى اصعب لما ترجعي بعيل ربنا يجبر بخاطري وخاطرك ويعوضنا خير ❤️

Avocado_63757 🇪🇬 · Answer

ابوه قال احنا مش عاوزنها للأسف أنا مسمعتش صوت جوزي لحد دلوقتي شخصيته ضعيفة لدرجة أن الكل بيتكلم على لسانه 
وأهله قعدوا يشتموا فينا ويغلطوا وعاوزين يطلقوني من غير ما يدوني حقوقي 
هما الي اختاروا الطلاق مش انا

Avocado_63757 🇪🇬 · Answer

بصي أنا ساعة الخطوبة حصلت بينا مشكلة على حاجة وكانت الخطوبة هتتفشكل روحت أنا ضحيت بالحاجة دي واختارته هوا لاني كنت بحبه فللأسف هما ماسكين عليا الحتة دي وبيعايروني بيها وبيقولوا أنه مكانش عاوزها ف الخطوبة وهيا اتمسكت بيه فأنا مستحيل اغلط الغلطة دي تاني

Avocado_63640 🇪🇬 · Answer

امين يا رب يا حبيبتي 
ويخليلك بنتك استمتعي بالنعمه الجميله دي

Ice Cream_63466 🇪🇬 · Answer

بصي هو لازم اول الجواز تحسي انكم مختلفين عن بعض فالتفكير والاسلوب واكيد فالفترة اللي عشتوها مع بعض تقدري تحكمي علي شكل علاقتكم وحاولي تصلحي الدنيا ما بينكم وادوا  لبعض فرصه تاني انتو لسه في البدايات وفي طفل يستاهل فرصه تاني عشانه

Avocado_63640 🇪🇬 · Answer

دلوقتي الوضع مختلف عن الخطوبه
دة جوزك مش راجل غريب 
وزي ما بقولك هي محاوله واحده يعني مش هتيجي علي نفسك كتير ان مستجابش او جه علي كرامتك يبقي قضيه النفقه هتسمعك صوته حلو اوي

Avocado_63757 🇪🇬 · Answer

❤️

Avocado_63757 🇪🇬 · Answer

جوزي دا عملي بلوك من غير حتى مبيعتلي رسالة أو يرن عليا رنة