مكتئبه وزهقانه من الحياة ونفسي أفضفض

Q: زعلانه وحاسه بحزن ومش عارفة اعمل ايه

من باب الفضفضة انا في أوقات في حياتي تقريبا كدا أوقات كتير ونا زعلانه فيها وحاسه بحزن فيها بحس ان الزمن بيقف عندها بفقد كل قدرتي ع التعبير باللي حاسه بيه بيكون الكلام بالنسبالي اصعب حاجة ممكن اعملها والموضوع بينتهي بإني مبلاقيش حل غير اني اسكت وانعزل عن كل حاجة شوية دا اكتر م انا ساكتة ومنعزلة اصلا ع امل اني هكون كويسه لوحدي انا طول الفترة دي بيفضل يراودني سؤالين لسه مش عارفة اجابتهم الاول المفروض اروح فين لما ابقي مش عارفة اروح فين؟ التاني المفروض اعمل ايه لما ابقي مش عارفة اعمل ايه؟ الإنسان بيحاول يعدي كل حاجة بمنتهي الثبات الخارجي وحزن الدنيا كلها في قلبو الفكرة اني مفيش ولا حاجة واحدة تهون عليا مرارة كل اللي انا فيه وحقيقي يعني الإنسان متعايش فقط وبيعدي ع قد ما يقدر لكن برضو ف نفس الوقت حياتي زي مهي لسه مسحوله جوا دماغي كل يوم اسأل نفسي هرتاح امتي امتي هخرج من المتاهة اللي انا فيها دي بحس كل حاجة زي متكون متعلقة ف الهواء وكإني مش قادرة الاقي الأرض الصلبة اللي اقف عليها انا اللي مضايقني اكتر اني انا المفروض أوجه كل دا لوحدي لان عمر محد هيحس باللي انا حاساه وعايشة فيه وان حتي طريق التعافي مش سهل