مضايقه أووي من غياب اهلي وعدم اهتمامهم بيا

Question

النهارده انا مضايقه اووي ومش اول مره السبب ده انا متغربه بدرس ف محافظة تانيه حاليا بقالي اسبوع بعيد عن اهلي محدش فيهم فكر يرن عليا اوووي حتي يبعت مسدج يطمن عليا سواء بابا وماما او حتي اخواتي فعليا الموضوع ده بيضايقني اووووي واتكلمت معاهم كذا مره اني ببقا محتاجه يرنو عليا حتي دقيقه ف اليوم اصحابي معايا ف السكن اهلهم بيكلموهم كذا مره ف اليوم بيحكلهم اللي بيحصل معاهم انا ببقا قاعده حاسه بغيره بجد هما ليه اهلهم واخواتهم بيكلموهم وانا اهلي لا للدرجه دي اتعودو علي غيابي عنهم وبينسوني طيب اكلم مين اشتكيلو كتير بفكر ليه مرتبطش شبه البنات اللي بترتبط اليومين دول واخرج معاه بقا واعيش حياتي بس برجع واقول ده حرام ومش تربيتي اعمل كده بس انا فعلا مش لاقيه اهتمام من اهلي ده حتي تعبانه ومش لاقيه حد يديني كوبايه مايه

Mushroom_85544 🇪🇬 · Accepted Answer

ممكن جدا يكون اهلك عندهم مشاكل و مشاغل انتي ماتعرفيش عنها حاجة.
الأهل مش بيحبوا يبينوا قدام أولادهم خااالص ان عندهم مشكلة، فا ماتسيبيش نفسك لفكرة انهم ناسيينك او مش في دماغهم
حاولي انتي اللي تتصلي بيهم كل يوم و اتطمني عليهم و تعرفي انتي أخبارهم، معلش انا عارف انك مستنيه ده يتعمل معاكي بس حسسيهم انك كبرتي وانتي مسئولة عنهم و شوفي الدنيا هتمشي ازاي

Watermelon_69433 🇰🇼 · Answer

نفس حالى بس أنا غربه بجد بعيييد كنت زيك كده فى الأول بس خلاص اتأقلمت

Strawberry_72541 🇪🇬 · Answer

صح مشاكل لاربع سنين عارفه ان في ظروف دايما بس ليه الظروف دي بتبقا موجودة بس معايا لما بنزل اجازة لو اخويا اتاخر ف الشغل شوفي اتاخر بيروحو يرنو اختي المتجوزة مجتش النهاردة روحي شوفي في اي معايا انا بس الظروف والمشاكل

Strawberry_72541 🇪🇬 · Answer

كل مااتاقلم برجع تاني لان قدامي صحابي اهلهم بيكلموهم فبسال نفسي انا ليه مرنوش عليا

Candle_68397 🇪🇬 · Answer

طيب وليه انتي متسأليش انا شايفها انانيه منك انتي عارفه اهلك بيعملوا ايه علشان يوفرولك تعليمك ومصاريفك وبيدبروها ازاي بلاش تظلمي اهلك وتذكري انك حينما تشير بأصبعك لاتهام احد فأصبع واحد يشير اليه والاربع يشيروا اليك

Pineapple_84860 🇪🇬 · Answer

معلش اصبري و التمسي ليهم العذر بس الا الارتباط مضعيش نفسك و دينك علي اوهام فاضية و كده كده هتتعبك فعلا مفيش  حرام حلو مهما الشيطان  زين لينا. واتصلي  انت بيهم كل يوم خليها منك انت و اهو ثواب كبير تكسبيه

Pineapple_73076 🇪🇬 · Answer

الدنيا دي غريبة والله 
الي حد بيتدايق منه غيره نفسه يحصله 💔