موضوع:

حلمك بالنسبة للدراسة

من وأنا صغير كان أهلي بيقولولي ذاكر عشان تبقى مهندس قد الدنيا. كان أي حد يسألني عايز تطلع إيه اقوله مهندس. وفعلاً دخلت هندسة الحمد لله ولقيتني كاره المجال، مش ده شغفي ولا دي الحاجة اللي هستحمل أعملها كل يوم ٨ ساعات لآخر عمري. اكتشفت إني مكنتش حابب المجال وإني بدون وعي كنت عايز أحقق رغبة أهلي فيا من وأنا صغير في أنهم يدخلوني هندسه. بدأت أشارك في أنشطة طلابية كتير في الكلية وأعمال تطوعية اتعلمت فيهم حاجات كتير زي التصميم والتسويق وال hr وغيرها وعرفت معنى الشغف وانك تبقى بتعمل حاجه بحب حتى لو مفيش مقابل مادي عشان بتحبها. وده خلاني بعد التخرج اخد قرار بدراسة حاجة بحبها واشتغل فيها. والحمد لله حالياً شغال في مجال بحبه بعيد جدا عن دراستي وحققت نجاح كويس فيه.

13

4