عندي مشكله اتمنى تقدروا تساعدوني فيها دلوقتي انا عندي صحبتي المقربه مني بقالنا 7 سنين صحاب اللهم بارك ربنا يحفظنا ل بعض حرفيًا علاقتنا ببعض اكتر من الاخوات و اهلها اهلي و اهلي اهلها المهم من اول يوم مدرسه و كان في بنوته كانت معانا ف ابتدائي مكناش نعرفها ف مدرستنا القديمه بس حسينا بالانتماء انها كانت من نفس البيئه عمومًا و حبيناها و حبيتنا لحد ما صحبتي اخدت بالها انها بدأت تقرب مني اكتر و كمان بيتي جمب بيتها ف بنروح المدرسه و نيجي سوا ف صحبتي بقت مش طيقاها عشان بتغير عليا منها و انا اقولها عادي يعني احنا صحاب تقولي هتاخدك مني و بتعمل معاكي نفس الحاجات اللي انا بعملها معاكي و حرفيا بقت بتكرهها جدًا ف الناحيه التانيه بقا صحبتي التانيه بتفضل تقولي انا بجد عرفت ان الصحاب مش بالسنين و انتي بجد بيستي و بجد بحبك أوي ربنا يخليكي ليا وميحرمنيش منك و انا مش قصدي اخدك من صحبتك التانيه بس اعمل ايه قلبي مش ب ايدي و تيجي تشتكيلي انها بتضايق من صحبتي انها بتقولها انا مش بطيقك عشان انتي عايزه تاخدي صحبتي مني و بجد حوارات عك اوي و انا بجد مش عارفه اعمل ايه و بقيت بتضايق اوي من حواراتهم و بقيت احس ب انهم حرفيا عايزين يحتكروني او خصوصًا بيستي عشان ياما طمنتها و قولتلها احنا بقالنا 7 سنين صحاب و بلجألك ف كل حاجه هاجي دلوقتي اسيبك و مع ذلك هي بردو مصره ع اللي ف دماغها ف لو تقترحوا عليا حل اكون شاكره جدًا دمتم بخير🪷✨

7

0