مش عارفه أتصرف مع صاحبتي اللي بتضايقني!

Q: هل ليا حق ازعل من صحابي ولا انا اوفر؟

احنا كان علينا امتحان و انا طلعت الكتاب علشلن اشوف اجابه سؤال انا عارفه ان الغش حرام بس انا مذاكرتش كويس و مش بحب اسال حد علي حاجه علشان بحس انهم شايفيني مش شاطره و انا واخده الفكره دي عن نفسي المهم صحابي كانوا قعدين قدامي ف واحده من صحابي ( البيست فرند و انة بحبها و هي بتحبني) بصتلي صدفه و بعديها قالت: الامتحان مش مستاهل و بصتلي نظره حاده شويه و بعديها اديريت بصراحه زعلت حتي لو كنت انا غلطانه بس زعلت في موقف تاني معاها برده و هو ان في مره كان علينا امتحان ماث (رياضه) و كنا في الفصل ف سالتني علي سؤال ف قولتلها معرفش ف قالتلي امال انتي بتاخدي درس علي ايه ف هي اديريت و كملت و بعديها بشويه كلمت صحبتنا ( بيست فرند برده) اللي جنبها و قالتلها كلام مش فاكراه و بعيدها قالت في الاخر دي كفته ( اي كلام يعني) بصراحه انا زعلت منها اكتر من الكلام اللي قالته اسفه علي الإطاله هل ليا حق ازعل ولا انا اوفر ؟

Q: صاحبتي في الجامعة بتحسسني إني بديل ومش عارفة أتقبل ده

اقرب صاحبه ليا ف الجامعه دايما بتحسسنى ان اختها لكن هى ليها صاحبه تانيه اقرب منة وده مش مزعلنى بجد مبحبش ادخل ف حياه حد كل واحد حر بس بجد عشان هى مسافره مش معاها حاليا بحس نفسى استبن جمبها بتحاول تقضى معايا وقت عشان هى مش موجوده ومثلا بتقعد تقول بحبك واختى والكلام ده لو عملت منشن ليها على بوست ثحاب تقولى معلش امسحى عشان هى متزعلش منى من ساعه الحركه دى وبجد مش متقبله وجودها مش بحس ان هى بتبذل مجهود علشانى زيها كده ومثلا فعيد ميلادى جابتلى هديه كده حروف من لورق انا بجد مش مستنيه حاجه ربنا يعلم بجيب كل حاجه فنفسى بس على الاقل احس ان هى بتتعب عشانى

Question

يا جماعه انا عندي واحده صاحبتي مصحبها وبمشي معاها على طول عشان من نفس البلد وبنروح الدروس مع بعض وبنجي مع بعض بس مش عارفه اللي هقوله من اللي حصل منها دا غيره مني ولا ايه انا واحده بتعاكس قدمها على طول ومحدش بيشوفها اصلا وانا كنت اخد جائزه قبل كدا في القرآن وكانت اتخانقت معايا يومها عشان مشاركتش في المسابقه عشان كنا متفقين هنروح مع بعض بس رجعت قالت انا مش هروح ولو روحتي هروح فمش كنت عارفه ايه يعني هتروح ولا لأ فأنا في اخر يوم في التقدم بليل لقيت لسه حجز تلاته اللي هما انا واخواتي رنيت عليها يومها اسألها هتدخل ولا لأ ردت عليا بعد ما قدمنا واتشكلنا بسبب الموضوع ده فهيا بعدها بنص سنه كنا داخلين المدرسه لقيتها قدام زمايلي بتقولي امسحي رجلي متخيلين انا قلتها انت واحده قليله الادب ومش متربيه ولو كنتي متربيه مكنش زمانك عملتي كدا والمشكلة انها سائت فيها وبعدها بنص سنه كنا بنهزر مع بعض لقيتها بتلطشني بالقلم وكررتها كذا مره و كنا قائلين قبل كدا أو هيا اللي كانت قايله لو حد اتأخر في معاد العربية اللي بتجلنا هيستني عند الموصلات لغايت ما التاني ييجي ونمشي مع بعض فأنا اتاخرت النهارده فهيا مشت مع العربية اللي بتجلنا ورنيت عليها ما كنتش ردت فلما روحت الدرس ألقيت السلام وقعدت ومهياش قعدت جنبي النهارده زيي ما بنقعد جنب بعض وكانت متجنباني وكل أما اكلمها تقعد تقفل في الموضوع مع انها ما كنتش كدا حد يقولي اعمل ايه معاها ؟؟؟

Hazelnut_52786 🇪🇬 · Accepted Answer

سيبك منها . واتركي اي حد يحطم أحلامك . وأفكارك .
من لا يستحقك . اتركيه فورا . ركزى في نفسك . ومستقبلك .
وركزى في حياتك .قربك منها هايعطلك عن كل حاجه مهمه في حياتك

Chocolate_53012 🇪🇬 · Answer

سيبك منها وابعدي عن اي حد بيحبط من احلامك وافكارك وطموحاتك وركزي في نفسك ثم نفسك واسرتك فقط

Ice Cream_20764 🇪🇬 · Answer

ابعدي عنها ومتركزيش معاها خالص واهم حاجه ركزي ف مستقبلك وحياتك ونفسك بس ولو هي اتكلمت معاكي ردي علي قد الكلام وخلي علاقتكم سطحيه

Chilli_52612 🇪🇬 · Answer

ابعدي هنا وسيبك من المشكل وركزي في درستك وفي مستقبلك اهم وهي لو كويسه هترجع والدنيا كده في ناس تتحجج عشان تتطلع من حياتنا

Popcorn_52587 🇪🇬 · Answer

بصراحه انا شايفه أن هيا بالي بتعمله دا تصرفات مش طبيعيه اكيد في حاجه غلط واكيد قربك منها هيعطلك عن مشاويرك ومستقبلك لأن التصرفات بتاعها دي مش من تصرفات حد كويس خالص فا تبعدي عنها وركزي مع حياتك علشان ممكن تاثر عليكي بعد كدا