عايزة رأيكم، انا متقدملي عريس معرفوش بس هو تبع حد معرفه و ساكن قريب مننا بس المشكله اني مليش نفس اشوف حد عشان ماما كذا مرة تحطني قدام الامر الواقع و تخليني اشوف ناس و مرتحلهمش و تفضل تضغط عليا فترة كبيره عشان اوافق و بخلع باعجوبه و تقولي اني بدلع بس انا والله ما بتدلع انا مش برتاح بس و بسبب اسلوبها اتقفلت اني اشوف حد مش عارفاه و اصلا عندي مشاكل في عيلتي حاسه انها هتأثر على جوازي و تجهيزي و كده يعني و كل قرايبي القريبين متخانقين بس بيحبوني و لازم يحضرو جوازي بس هما كل ما بيتقابلو بيتخانقو فممكن يسببولي مشكله عشان حصل كده فمناسبه قبل كده لحد من قرايبي و الموضوع ده كمان قفلني من الجواز و حاسه كل ما سيرة الجواز تتفتح اخاف اوي ده غير اني عندي مشكله شخصيه مع الجواز بسبب اهلي خايفه اكون زيهم اما اتجوز، اعمل اي عشان كله عايزني اشوف العريس و ماما مصممه و بيقولو كويس و هضيعه و انا مش عايزة اشوفه مش جاهزه نفسياً و جربت قبل كده الحوار ده و زهقت

6

8