عندي مشكله محدش بيسمعني وسط الناس!

Question

عندي مشكله اني لما بكون قاعده وسط تجمع ناس واتكلم محدش بيهتم يسمعني ويقاطعوني وساعات بكلم نفسي وبيهتموا جدا بكلام غيري ولاحظت دا بيتكرر دايما وكمان مثلا لما ابقي مع صحابي وبنسلم على ناس هم بياخدوا بعض بالحضن وكدا وانا لا مجرد سلام عادي مع اني والله ببذل مجهود كبير عشان افضل اسمعهم وادعمهم كلهم وطيبه ولا بتريق على حد ابدا ولا اقلل من حد بس ساعات بحس اني ولا كاني موجوده 
وبضايق بصراحه اعمل اي واي الي بيخلي الناس تركز مع حد وحد تاني لا

Grape_61821 🇪🇬 · Accepted Answer

انا برضهكنت زيك و تقريبا الموضوع اتغير بقاله سنتين لما بقيت مستغني عن كل شئ و اي شئ ، ناس عمر علاقتي مكانت ممكن تتأثر بسبب اني انا دايما اللي كنت بحاول احافظ عليها لما بدأت ارخي الحبل هما كبروا فابقيت بكبر انا كمان دا غير اني بقيت مثلا مبقاش عندي تفاوض يامعايا يالا اه هتبقى اغلب الاحيان لوحدك بس احسن من علاقات فيها نفاث

Grape_61843 🇪🇬 · Answer

زيك غالبا بتكون قله محبه لان لو ف شخص بيحبك هيكون دائما مستنيك تتكلم ويسمعك صديق او اهل

Strawberry_60410 🇪🇬 · Answer

بصي لو اضطريتي تقعدي مع ناس زي كده اسمعي بس متتكلميش الا لو حد سألك
خلي كلامك قليل جدا معهم الصمت هو الحل جربي وشوفي

Coffee_61791 🇪🇬 · Answer

اتقلي عليهم و عامليهم وحش يهتموا لإن طول ما انتي مضمونة بالنسبالهم محدش هيهتم بيكي

Tomato_54793 🇪🇬 · Answer

لو ده بيحصل مع مجموعة واحدة صحابك مثلا ممكن اقول ان المشكلة فيهم يكون الاحتمال الاقرب لكن لو بيتكرر مع كذا مجموعة زي ف وسط عيلتك او مجموعة صحاب غيرهم ف هنا ممكن تكوني انتي عقلك بيركز مع اللحظات اللي بيتم تجاهلك فيها بزيادة ولكن عادي كل الناس بيتم تجاهلهم بس انتي مش شايفة غير لحظات بيتجاهلوكي فيها

Lemon_55687 🇪🇬 · Answer

ايوه عندك حق انا بركز فعلا بس عاوزه اعرف اي المشكله الي بيخليهم كدا معايا ومع حد تاني لا دا محدش بيسمعني خالص وفي اي نقاش ببقا بكلم نفسي

Lemon_55687 🇪🇬 · Answer

عندك حق عموما انا شفت بعيني ان الناس بتحترم الشخص الكاريزما الي بيتقل عليهم

Lemon_55687 🇪🇬 · Answer

يعني انا من النوع الي مبيفرضش نفسه خالص على حد ولو حد مشحببني مش بهتم انه يحبني بس دا بيحصل معايا في ناس مش صحاب اوي اي تجمع وكدا

Lemon_55687 🇪🇬 · Answer

هسمع كلامك اصل هقعد اركز كل مره بتعب😭

Tomato_54793 🇪🇬 · Answer

ايوة انتي مجاوبتيش هل ده مع مجموعة صحاب واحدة بس وبرا المجموعة دي تمام ولا دي مشكلة عامة عندك انك شايفة ان محدش بيسمعك

Lemon_55687 🇪🇬 · Answer

مشكله عامه انا مبيبقاش عندي حضور ولا حد بيهتم بيا برغم اني بهتم باي حد يتكلم بحس محدش بينبهر بكلامي خالص

Tomato_54793 🇪🇬 · Answer

طالما مشكلة عامة يبقى دي مشكلة موجودة في عقلك بس او بمعنى اصح عقلك هو اللي عملها مشكلة، بأنه بيركز بس على اللحظات اللي بيتم تجاهلك فيها او بيكون عنده حساسية زيادة تجاه ان يتم تجاهلك او اي حاجة شبه دي ممكن يكون صوتك بيكون واطي او انتي بتقولي "محدش بينبهر" فانتي حاطة توقعات عالية انك هتقولي حاجة الكل هينبهر ده مككن يكون انعكاس على احتياجك لده، كل دي مشاكل في طريقة تفكيرك مش في الناس نفسها

Tomato_54793 🇪🇬 · Answer

فجربي تبصي للموضوع بالطريقة دي وشوفي هل ممكن يكون فعلا حقيقي لأن مفيش حد الناس كلها بتعمل عليه مؤامرة انهم ميهتموش بكلامه او يهمشوه

Strawberry_60410 🇪🇬 · Answer

ولا تتعبي نفسك ريحي دماغك ربنا يسعد قلبك

Coffee_61791 🇪🇬 · Answer

للأسف رغم أن مش دا الصح ولا اللي المفروض يحصل ولكن السواد الأعظم من الناس بقى يهتم بالمظهر و الكاريزما و الحوارات فبينسوا الجوهر و مش بيركزوا مع الإنسان نفسه