انا تايهه ومش عارفه اتكلم اقول ايه ولا ازاي الكلام هيكون مش مترتبة اوي انا مش عارفه المفروض افكر ازاي انا 19 سنه مخطوبه من شهر لشخص كويس من جميع النواحي بس عنده مشكله في عقيدته الدينيه ودي حاجه مش مطمناني خالص وكمان أنه بيتجاوز حدوده معايا بطريقه مش مريحاني يعني بيمسك ايدي لما نكون لوحدنا واهلي وأهله في الصاله مثلا واحنا قاعدين في الاوضه بس الباب مفتوح بحاول اشغل نفسي باي حاجه عشان ميمسكش ايدي برغم اني كلمته اكتر من مره وقلتله ان كدا مينفعش لكن هو ببطنش واخر زياره انا كنت تعبانه وواخده دور برد لقيته فجاه بيشدني بطريقه غريبه وبيبوسني من جبهتي حسيت اني اتكهربت ورجعت لورا وعيطت وهو قالي أنها مش هتتكرر تاني انا مش عارفه المفروض اعمل ايه ومش حابه احكي لحد من العيله وفي نفس الوقت مبقيتش مرتاحه الخطوبه دي لما يحصل كدا في أول شهر خطوبه بعدين هيعمل ايه وازاي ابقا قلتله اني مش حابه كدا وهو ميفهمش انا كلامي كان واضح ف معتقدش أنه مفهمش ولما اتكلم في الموضوع دا واحنا بنتكلم فون وقالي هاتي بوسه قلتله الكلام دا ميتكررش تاني وقلتله أن لو اتكرر تاني هدي الشبكه لاهلي يرجعوها ليهم وكل شئ قسمه ونصيب الكلام دا كان في أول أسبوع بعد الخطوبه عاوزه حد ينصحني اعمل ايه اتغاضي عن الموضوع واكتفي بتحذير ولو عمل حاجه زي كدا تاني افركش الخطوبه ولا لا زي م عملها مره يعملها تاني وتالت

0

19