ليه عقليات الرجاله غريبه؟ مش طايقه اتعامل مع حد

Question

مشكلتي ان حقيقي بحس ان عقليه الرجاله غريبه في الزمن ده انا مش بقلل من حد ولله كلهم ع راسي بس بقيت كل لما اخش اي اب الاقي عقليات وافكار غريبه جدا والاغرب ان لما حتي بحاول الاقي مبرر ليهم بلاقي ان الموضوع قريب جداا لفكره الراجل الوداني اللي بيسمع لصحابه وبس والسيناريو ديما بيبقي في بالي كالاتي انو لو حتي ليه شخصيه اتكونت زيه زي اي بني ادم وعنده منطق وفلسفه خاصه بيه ممكن جداا يستغني عنها لمجرد انو صاحبه قال انو المفروض البنت كذا كذا وانتو شله قاعدين وكذا حد موافق كلامه وخاصتا لو الكلام متمحور حوالين فكره الرجوله ع الرغم انو مفيش دليا من الصحه انا عارفه اني مش بحكي موقف فعلي انا بحكي بشكل عام علشان اوصل الفكره 
من خلال كده وطبعا حجات تانيه كتيير بتخليني احس اني مش طايقه اتعامل مع اي راجل ايا كان لمجرد انو بلقط بسرعه تفكيره وعايز ايه وغرضه ايه (انا شخص بيقرا كتيير عن علم النفس والمنطق وعلم الفراسه) ودي حاجه بتخليني ادرك الناس بسرعه وافهمهم في وقت قريب فعلشان كده الفكره هنا لييه مش كل راجل بيتعامل بتفكيره بمنطقه بلاقي اللي بيتعامل كده يبقي حكمو عليه انك مش راجل انك من بتوع ايجيبت وبتاع .. حقيقي الموضوع يزعل جداا انو بقي في فجوه وان كلا الجنسين بتعامل من ناحيه انا ازاي اتعامل لمصحلتي انو اكسب ازاي اكننا داخلين ع مين هيعلي ع التاني او هيعلم عليه حقيقي حاجه تزعل جداا جداا

Watermelon_72972 🇪🇬 · Accepted Answer

متفق معاكي في غياب تكوين الفلسفة او غياب القيم والمبادئ عند الواحد هي اللي بتخليه يكون رأي مهزوز ومستعد يغيره مع أول واحد يقنعه بغير رأيه

Banana_71497 🇪🇬 · Answer

ربما كلامك فيه شىء صح لكن ليس كل الرجال هكذا تحياتى

Avocado_65325 🇪🇬 · Answer

تقريبا انتي سنك لسه صغير والدائرة اللي حواليك مش كبيرة والايجو عندك عالي نوعا ما ... فسيبي كل واحد براحته وركزي انتي في حياتك ومين المفروض يكون في الدائرة بتاعتك

Coconut_74150 🇪🇬 · Answer

اللي بيمد ايده في صفيحه الزباله مش هيطلع ذهب والماظ 
انت داخله في برنامج شقط وتقولي اصلي مش عارف عقليه الرجاله لا كلامك غلط

Mango_74585 🇪🇬 · Answer

كلامك جميل بس حقيقي مش صغيره وحقيقي كان نفسي اقولك الايجو عالي وكده بس عارفه نفسي وقيمتها كويس والحمدلله دايرتي ناس محترمه وناس في منهم كبار وصغار فبتعامل مع عقليات في اعمار مختلفه انا وضحت في كلامي ان مفيش حاجه بعينها حددتها انا اتكلمت بشكل عام لاني مش سطحيه وبتقبل تفكير الاخرين … ومتقبله اتقاد حضرتك وشكرا لييك

Mango_74585 🇪🇬 · Answer

هو دا برنامج شقط😂😂
اللي اعرفه ان دا برتامج بشارك فيه افكارك ومشاكلك ولو في حد هيساعدك هيساعد غير كده لا

Avocado_65325 🇪🇬 · Answer

انتي إنسانة راقية جدا ومحترمة ربنا يكملك بعقلك ....تحياتي

Popcorn_74145 🇪🇬 · Answer

عشان في النهاية وجهة نظرك انثوية عن الرجالة.. زي ما الرجالة مش بتفهم الستات عشان بيبصوا من وجهة نظر ذكورية

Carrot_54819 🇪🇬 · Answer

بصى انا معاكى جدا فى كلامك وفعلا الشخصيات دى كترت اوى بس انتى نظرتك غلط انتى بتشوفى مشكله فى جيل كله مشاكل يعنى اصلا الجيل كله متدمر ومتبهدل ولو هتمسكى فى مشكله الرجاله فعلى النقيض البنات بقت فيها بجاحه مستفزه اوى الغلط بقى بيتعمل عينى عينك ومفيش اعتبار للمجتمع والقيم وسواء المشكلتين دول  بسبب السوشيال ميديا والخره الى طلعته علينا 
فانتى بتنتقضى حاجه صغيره جدا وسط بلاوى كتير

Carrot_54819 🇪🇬 · Answer

ومعلومه انتقاضك ده موجود فى البنات اكتر حرفيا مفيش بنت بتمشى بدماغها فى العلاقه سواء من صحابها او من اهلها لو يعرفو طبع الراجل ديما انه مبيحبش يطلع حياته للناس لاكن البنت هى الى ديما بتكلم وتهرى مع اى حد تعرفه او متعرفوش وده بيبقى نابع من انها مش عايزه تشوف نفسها غلطانه او حد ينتقضها