صحبتي المتحكمه بتأذيني ومش عارفه انساها

Question

هاي. كان عندي واحده صحبتي انا كنت دايما بتاذي منها عشان هي متحكمه ومتملكه للاشخاص وغيرتها بشعه وحجات كتير  وهي كذلك لان انا عنديه ومش بسمع الكلام وهي زياده عندها القلب ف اخترعت مشكله عشان نبعد وبعدنا الحمدلله بس انا كنت اول م بنا كامت علطول هي تعبانه وانا الفرحه كانت مش سيعاني اني اتحررت بس بعد كده بعد مثلا اربع  شهور هي سعات بقت  توحشني بس كل م توحشني بفتكر ال اذي االي حصلي ف بكرها وزود كده انها اتصاحبت علي واحده وكل يوم تنزل معاها وانا مش بنزل عشان اهلي بس كل يوم تنزل وتنزل استوري واستريك وانا بحس بديق وقرف وخنقه وبتفكر كل التعب وبشفق علي البنت الجديده وحجات وشعور كتير بس انا دلوقتي مشكلتي ف اني مش عارفه انساها ممكن حد يعرفني انا كده محتاجه ايه...

Hazelnut_52786 🇪🇬 · Accepted Answer

الصحاب ملهمش غير النصيحه وبس

Popcorn_58420 🇪🇬 · Answer

خليكي حطه قدامك الي كانت بتعمله فيكي خليكي عارفه انك معملتيش حاجه وحشه بالعكس انتي حررتي نفسك من حد كان عمال ياذي فيكي كل لما توحشك افتكري الاذي ونتي مع الايام هتنسي الدنيا بتنسي و بصي لي مستقبلك و فكري في نفسك وبس

Apple_59618 🇪🇬 · Answer

بصي انا من اربع سنين كنت في تالته ثانوي كان صاحب عمري عمل معايا كده برضه بس بسبب بنت بقا هو و واحد تالت معانا في الشلة ونا قولت هتختارو السكة دي ربنا معاكم و بعدنا عن بعض المهم بقا كان نفس حوار الصور و الخروجات و كده فا كنت فعلا بتعز عليا نفسي و ازعل و اكتئب بس هي عاملة كده عشان ده هدفها توصلك الاحساس ده هي بني ادم ناقصة و انتي امسحي اي حاجه تفكرك بيها و أرقامها و اعملي un follow ليها و خلاص انسيه

Popcorn_47130 🇪🇬 · Answer

بحاول انسي بس مش بعرف

Popcorn_47130 🇪🇬 · Answer

مش عارفه بقا مش بعرف عشان الي كان بيحصل ولا عشان وحشاني انا مشووشه بجد

Olive_59219 🇪🇬 · Answer

كويس انك ادركتي للحظة عيوبها قبل ما مميزاتها
واحمدي ربنا انه خلصك من العلاقة اللي فيها اذي ليكي
هي بقي تنزل تصاحب تخرج هي حرة
تنزل صور و استوريهات و ستريك لمجرد انها تبعت رسالة انها عايشة و زي الفل
خليها تعيش وتتبسط كمان
بس خليكي انتي في حياتك ودنيتك و افرحي ان ربنا خلصك من أذاها و شوفي ناس جديدة مريحة تصاحبيهم تتبسطي وسطهم
وشوية شوية هتنسيها و تبقي ماضي وخلص

Popcorn_47130 🇪🇬 · Answer

بس لو مسحت هيبان ان هي فرقالي لان هي من النوع الي بصرم مش بشتم بس بجد كده اي حاجه هتقول عملت عشان مقدرتش تشوفني مع واحده تاني ويفض لو يتكلمو وانا برضو عندي كرامه ونفسي عزيزه عليا مقبلش اتهان كده ويعالم اشوفها ف الدروس ف شكلي هيبقا وحش

Popcorn_58420 🇪🇬 · Answer

اشغلي وقتك باي حاجه صاحبي ناس تانيه عندك نا اهو صاحبني 😂 اسف بهزر علشان تضحكي صدقني كل لما تفتكري الوحش الي كانت بتعمله فيكي هتنسي اشغلي وقتك بحاجات جديده عيشي حياتك من غيرها زي ما هيا عايشه حياتها

Popcorn_47130 🇪🇬 · Answer

او لو عملت un followوكده او بلوك هيبقا نفس الحاجه فاهمني صح؟

Popcorn_47130 🇪🇬 · Answer

خلاص اشطا هحاول يا فشارر😂

Popcorn_47130 🇪🇬 · Answer

ردك مريح اوي بجد هي فعلا بتنزل عشان تعرفني انها عايشه حياتها وكده وانا هحاول اعمل كده

Popcorn_58420 🇪🇬 · Answer

صح و فكي كدا و عيشي حياتك و ابعتي ليا رساله علي اخر بوست منزله نكلم ي فشار نتي كمان 😂

Apple_59618 🇪🇬 · Answer

فاهم قصدك طب ما تشوفي حياتك برا عنها زي ما هي عملت بس متبقيش زيها اتعرفي علي ناس جديدة و كده هو اه مش سهل بي انتي اختاري حد نضيف بقا و نضفي دايرتك

Strawberry_58560 🇪🇬 · Answer

انا شايفه أن الاصحاب ملهمش عند بعض غير النصيحه لكن أنها تتحكم فيكى ده لوحده ضغط نفسى كبير بحس أن الناس دى فعلا بتكون مؤذيه بس هما بيكونوا مدركين لدا  دى بتكون طبيعه شخصيه الصح طبعا انك بعتى عنها لأن الحياه مش ناقصه حد يضغطنا فيها نفسيا

Olive_59219 🇪🇬 · Answer

ماهو ده الطبيعي
هي بتحاول تضايقك فا بتكتر ظهور علي السوشيال ميديا
الشطارة منك ما تديهاش الفرصة ولا تحسسيها اصلا انك شايفاها
التجاهل افضل طريقة لنفسك قبلها

Lemon_55687 🇪🇬 · Answer

تقريبا نفس مشكلتك بس الفرق بيني وبينك ان انتي اتحررتي وانا مش عارفه اتحرر منها فارضه نفسها بشكل مش طبيعي ومتملكه وغيوره وبعدتني عن كل الناس ومستحيل تطلع خسرانه في نقاش ابدا ولو بعدت تذلني وتمن عليا بافضالها او تجيبني بالعواطف بقا وشغل الصعبانيات فتصعب عليا وارجع لها ومضطره استحملها

Chilli_48447 🇪🇬 · Answer

السبب الرئيسى انك لوحدك ومفيش حد جنبك يكون معاكى يتابع يومك يسمعك تخرجى كل الدوشه والزحمه إلى فى دماغك إلى مخلياكى تايهه