بشوف نفسي تخينه رغم أن وزني طبيعي ومش عارفه أقتنع

Question

انا عندي مشكله ممكن تبان تافه شويه بس هي بجد مأثرة علي انى شايفه نفسي تخينه ومهما خسيت بفضل حاسه انى تخينه رغم ان وزني طبيعي وكل الناس بتقولي انى رفيعه وبيتريقوا عليا لما يعرفوا انى بعمل دايت بس بجد الموضوع مأثر عليا اوي وبقيت بجوع نفسي وبتعدي عليا ايام ممكن ماخدش غير ٦٠٠ كالوري رغم انى وزني كويس انا ٥٣ كيلو

Chocolate_58313 🇪🇬 · Accepted Answer

ده اسمه اضطرابات الطعام 
والموضوع ما لوش علاقه بالاكل
انتي محتاجه therapy

Chilli_67630 🇪🇬 · Answer

يعني انتي 53كليو وعايزه تخسي يا فلات هوه حد لاقي 🫢😋

Mango_67775 🇪🇬 · Answer

على فكره انتي كده بتأذي نفسك اكتر ما بتفيدي نفسك
اللي هو المفروض وزنك ده اصلا تتخني له مش تخسي 😂
ف حرام عليكي نفسك و جسمك انك تجوعي و متاكليش 
انصحك انك تنزلي جيم بنات و يكون في كوتش تعملك خطه غذائية تمشي عليها مع الجيم و انتي هتكوني تمام ❤️
و بعدين لو قصدك عالحته الجماليه ف تخينه أو رفيعه كل الناس حلوه ❤️

French Fries_68449 🇪🇬 · Answer

متقوليش لحد انك بتعملي دايت علشان دا لنفسك انتي سيبك من كلام الناس انتي اهم حاجه بل نسبه لنفسك

Ice Cream_53324 🇪🇬 · Answer

علي فكره انتي وزنك كويس بس لكل وحد فينا مشي وزي كلام الناس مش هينفع بس صدقني انتي كده حلوه

Hazelnut_68425 🇪🇬 · Answer

الفكرة شايفة نفسك تخينة بانهي معيار يعني بسبب السوشيال ميديا مثلا والمثالية اللي فيها من جسد وجمال أو من خلفية سابقة لك كنت انحف من كدا و زاد وزنك فتحسي انه في فرق،  بس عامة لا تشيلي هم وكلي اللي عايزاه اهم حاجة لا يضر صحتك،  مش هيهمك شكلك لما تبقي مريضة طريحة الفراش .. الله يعافيك ويرزقك راحة البال.

Strawberry_64990 🇪🇬 · Answer

انا كنت كدة على فكرة انا الوحيدة اللى كنت شايفة نفسى تخينة و قعدت اخسس نفسى لغاية ما قربت اختفى و ندمت دلوقتي بحاول اتخن مش عارفة ف متعمليش كدة

Strawberry_66678 🇪🇬 · Answer

emotionale eating 
محتاجه تثقي في نفسك اكتر
أنا عامل دراسات تغذيه وعن قناعه ثقي في نفسك

Watermelon_18890 🇪🇬 · Answer

فهماكي اوي عشان يعتبر بمر ب نفس الحاجه 51 كيلو و شيفاني تخينه جدًا بس اللي اكتشفته اني مش محتاجه اعمل دايت لا محتاجه انزل الچيم او حتى اعمل تمارين من البيت تشد جسمي عشان اوصل للشكل اللي يرضيني و بالنسبالي يبقا مثالي ف انتي متجوعيش نفسك صدقيني وزنك زي العسل بس التزمي ع تمارين و چيم و بإذن الله هتوصلي للشكل اللي يخليكي تحبي نفسك و تشوفي نفسك عسوله اكتر ما انتي عسوله🤌🏻🎀

Ice Cream_63106 🇪🇬 · Answer

نفس مشكلتي عموما
بس بقيت احاول اخر فتره اتجاهل الاحساس ده وبطلت اعمل دايت بقيت بس بحاول اكل صحي
بس انتي وزنك حلو اومال انا اعمل ايه
والله احمدي ربنا يا حبيبتي انتي وزنك جميل ومثالي كمان♥️😭
بس هقولك على حاجة الموضوع محتاج دكتور نفسي اكتر من انك عايزه تخسي
حاولي تتابعي مع دكتور نفسي وبإذن الله مشكلتك تتحل

Coffee_67846 🇪🇬 · Answer

التخن بيتقاس بحجم الدهون في الجسم سواء كرش او تكتلات في الاجناب و الفخذ او ورا لو مش موجودين متتعبيش نفسك 
لو موجودين امشي يوميا ساعه و تجنبي السكر

Potato_64725 🇪🇬 · Answer

لازم تشوفي الاول دهون ف جسم وضعها اي متخسيش بالعافيه هيجيلك امراض

Coffee_68162 🇪🇬 · Answer

عملت inbody الدهون في جسمي في النطاق الطبيعي بس في نصه يعنى ممكن انزل عادي

Coffee_68162 🇪🇬 · Answer

شكرا بجد على الكلام الحلو ده انا بتمرن بس في البيت كنت بنزل جيم في الاول بس بقيت بتابع مع كوتش اونلاين عشان الجيم مواعيده بدري اوى

Coffee_68162 🇪🇬 · Answer

فكرت في موضوع الدكتور النفسي ده بس حسيت الموضوع مش مستاهل وكمان المشكله انة مش بعرف اتكلم اساسا انا اتكلمت هنا بالعافيه بقالي يومين كل شويه اكتب وامسح قبل ما انزله

Pineapple_66909 🇪🇬 · Answer

انتى محتاجه تروحى لدوكتور تغذيه عشان تتخنى بجد لان وزنك ده مش طبيعى☠️