انا بحب حد اصغر مني بسنتين ،بس انا و كل معارفنا شايفين فعلا ان هو شكله كبير و فرق السن مش واضح غير تصرفاته و عقله هو كمان يتيم الاب و وحيد فا متربي علي مسؤليه هو حنين جدا مع والدته في نفس الوقت مش ابن امه زي ما بيقولوا لا له شخصيه و غيور جدا علي مامته هي جميله شكلا و روحا و صغيره في سن فا ممكن تتعاكس عادي فا هو over protective شويه ،المهم انا عندي مشكله انه لسه مخلصش جامعه و انا خلصت و هو لسه قدامه وقت ،يعني هو قدم علي شقه بس لسه مجتش عشان تبع الدوله بالنسبه للشغل لسه مظبطش بحكم انه طالب و مش هيشتغل بشهادتههو حابب شغل سياحه اوي فا بدأ كا اسما بس يفتح شركه سياحه لي شرم و دهب بس لسه معملش صفحه علي انستجرام لسه معملش تراخيص و ديه صعبه محتاجه فلوس و بالنسبه للعربيه واخد عربيه والدته هي قديمه انا مش بعترض انها قديمه بس مثلا مفيهاش تكيف و انا مرضي و صحتي متستحملش الحر و كمان عزل العربيه سيء جدا فا جو جوه العربيه حر اكتر من بره ،انا مش بتذمر لقدر الله بس انا تعبت من قله الفلوس و كان نفسي في حد يكون مقتدر احس بأمان معاه اللي هو احتجت هلاقي و انا بطبيعتي شخص بسيط يعني عادي اكل كشري و فول بس نفس مثلا في مره كل ٤ شهور اروح مكان شيك ، نفسي عيني تيجي علي حاجه الاقيها معايا ،مبحبش كسره النفس ان علي طول مفيش فلوس احنا يعتبر مستوانا متوسط بس ظروف البلد مخليانا فعلا خربانين بكتأب لما بفكر و احسب علينا ايه و اجهزه كهربائية بكام و لما نجوز مصاريف المدرسه بكام دلوقتي عشان تدخل طفل مدرسه متوسطه مش هقول انترناشونال بس مش عاوزه ولادي يتبهدلوا في حكومه برضو مش عاوزاهم يعانوا اقل حاجه حاليا ٤٠ الف و عقبال ما نجوز ٤ سنين مش اقل من ٦٠ الف طب ازاي يا جماعه ازاي و لسه مصاريف تمرين و نادي و لسه لو في علاج يعني بفكر كتير اني اسيبه بس انا بحبه اوي و هو كذلك لدرجة اني فكرت مش هعمل فرح مش هنخلف ليه اجيب طفل يعاني في دنيا ، قولولي بجد اعمل ايه مع العلم اهلي لسه مش عارفين هما عايشين زمانهم بس قرايبي عارفين بس اهلي هيبقوا عاوزين قائمه من طلبات مفيش شاب هيعرف يجبهم بالسهوله ديه محتاجه سنين فا قولت لا يتخرج السنادي و نشوف ساعات بقول اني بضيع وقت و ساعات بقول ما هو بيحاول عشانك اهو مش هتاخدي كل حاجه يا راجل كويس و بيحبك و حنين يا راجل فلوس و بهدله او اهله يطلعوا عينيكي .

2

6