يارجاله عندي مشكله في الحب وببقي مدلوق اوي

Question

يارجاله انا عندي مشكله لما بحب او بس بعجب ببنت ببقي مدلوق اوي عليها وبفضل كل شويه ابعتلها او اكلمها لحد هي ما بتشوفني قليل ومعنديش حياه
مع اني بكلمها فعز انشغالي وبحسسها اني فاضي بس عشان اكلمها
انا عارف ان البنات هتقولي احنا بنحب الراجل الي كده ،كلكو بتعجبو بيه فالاول وبعد كده بتزهقو والشباب هتفهمني

ياريت تقوليلي حل ونصايح 
انا ناوي علي جواز وتبقي مصيبه لو الموضوع ده اتكرر مع مراتي
انا عارف انه غلط بس مش بعرف اتحكم فنفسي رغم الخوازيق الي بلعتها وخبرتي فالعلاقات (ده ذنب محدش يعمل زيي انا بحاول اتوب)
وشكرا مقدماً

Apple_77849 🇪🇬 · Accepted Answer

لازم تعمل كنترول لان مش كل البنات بتحب كدا بس حاول تكون طبيعي يعني مش تغير من نفسك بس حاول انك لما تهتم اهتم في وضع طبيعي لان دا الاوڤردوس اهتمام سعات بيكون صعب تتقبله البنت وبتحسه خنقه فحاول قدر الإمكان فقط قلل بالتوفيق

Banana_18947 🇪🇬 · Answer

الحل إنك تتحكم في نفسك مبتعرفش ؟ هتعمل عكس اللي بييجي في بالك عقلك بيقولك كل شويه ابعت كلمها ابعد الفون عنك خالص واشغل نفسك مره في مره هتلاقي الموضوع بقا سهل معاك ، وتدعي ربنا يزيل عنك الموضوع ده 
وإنك بتكلم بنات حاول تتوب من الموضوع ده خالص علشان هيبقى سبب في عدم تيسير الزواج ليك وانت مش هتبقى مرتاح وحاجات كتير وبعدين فكر في فكرة الزواج

Mango_16675 🇪🇬 · Answer

بص يابن عمي انت كل اللي هتعمله انك تحاول متحسسهاش انك دايما فاضي لان انت كدا كتير عليها بجد وهي متستاهلش لأنها مش بتمشيلك نفس المسافه اللي انت بتمشيها ليها 
ملحوظه انا بنت زيي زيها بس البنت اللي بتحبك بجد مش هتخليك ف يوم تفكر ف حاجه زي كدا دا خلاصة الكلام يعني ف حاول متحسسهاش انك دايما فاضي اشغل نفسك ب اي حاجه اعمل اي حاجه تنمي منك اسمع برودكاست اي حاجه يعني وربنا يوفقك وينولك اللي تستاهلك ✨

Chilli_68401 🇪🇬 · Answer

كل ما تيجي ترد عليها افتكر انها احتمال كبير تمشي وتسيبك وهتبقا بتصرف وقتك ف الفاضي الوقت الي المفروض تركز فيه على نفسك وعلى حاجة تنفعك

Potato_77726 🇪🇬 · Answer

نفسي اوي اتجوز وسعيت فالموضوع بكل الي اقدر عليه ووصلت لحاجات اكتر من الي كنت عايزها اصلا بهدف اني اتجوز واعف نفسي بالحلال بس اهلي مش عايزين يساعدو ب اي حاجه خالص ولا حتي بانهم يجو معايا اخطب لدرجة اني قولتلهم هروح لوحدي اول مره وهتفق انا علي كل حاجه وانتو تيجو بس شهود حتي دي رفضوها بجد اتخنقت انا نفسي اوي فالحلال والله

Potato_77726 🇪🇬 · Answer

انا معظم يومي ببقي مشغول اصلا سواء شغل او تمرين او كورسات بس انا بكلمها وانا بعمل كل ده ومش بقدر امنع نفسي خالص بحس بتانيب ضمير وحاجات تانيه كتير انا مش فاهمها الموضوع صعب بس هحاول اعمل بنصايحكم

Potato_77726 🇪🇬 · Answer

هحاول

Banana_18947 🇪🇬 · Answer

بص هو الحل إنك تصبر وتدعي من كل قلبك وبلاش تكلم بنات في الحرام خالص 
وفيه فكره جات ع بالي لعل وعسى ربنا سخرها ليا علشان أقولهالك حاول تصلي كل يوم قيام ليل وتدعي من كل قلبك بنية إن ربنا يلين قلب أهلك معاك وإعمل وِرد إسغفار وصلاة ع النبي وطول الوقت قولهم بس إستمر وبإذن الله ربنا هيكرمك وهييسرلك الدنيا وتوب من ذنوبك مهما كانت صغيره علشان بتأثر آوي وحاول تبِر أهلك حتى لو صعب عليك استعين بالله وليك الأجر