أحس بضياع وبعد عن ربي وحياتي مشتته

Ice Cream_67806 🇪🇬

منذ أسبوع واحد

شعور ضائع

الحين.. انا عندي مشكله.. انا احس اني بعيده عن ربي.. وحياتي مشتته.. ومافي اي شغف.. او شئ يفيدني بالمستقبل.. احس بضياع ... وما عندي شغف اسوي شئ.. انا بفتره مرا مهمه بخياتي.. واضيع وقتي كله..اذا احد مر بنفس تجربتي.. او عنده اي معلومه مفيده..ينصحني .

الوحده بتحاوطني رغم وجود الناس حوليا

شعور الوحده بيحاوطني من كل اتجاه مهما بقعد مع صحاب بس بحس بوحده ممكن اقعد شهور مكلمش حد واحكيله وبردوا ماسح اغلب الابلكيشن زي الفيس والواتس والانستجرام عايز ابقي لوحدي وبردوا بزعل اما اكون لوحدي بحب الرياضه دي الونس مبكلمش بنات ولا بحب داخل علي ال٣٠ ومعملتش حاجه في حياتي نفسي ابقي ناجح وافتح مشروع خاص بيا اي نصايح لحد عرف يتغلب علي الوحده وتقريبا مش هلاقي عشان اغلب اللي داخلين عندهم مشاكل واغلبها هتبقي الوحده ...عرض المزيد

2 الدعم

9 نصيحة

ضايعه بين قلبي وعقلي وعايزه نصيحه

هاي يَجماعه انا بنوته عندي١٩ سنه و حرفياً ضايعه ما بين قلبي وعقلي في حاجه كده وعايزه نصيحه في الموضوع ده الحكايه ان انا وشخص حبينا بعض ايام تالته ثانوي وكان معرف اهله ان هو بيحبني وان هو عايز يتجوزني ان شاء الله في المستقبل وحرفياً كان شخص محترم جدا جدا معايه بيحتويني باهتمامه واعطاني الامان وكل حاجه انا اتحرمت منها من أهلي كان بالنسبالي كل حاجه في حياتي وكان عارف كل حاجه عني اهلي نفسهم مش عارفينها قعدنا فيلريشن مع بعض تقريباً سنه وتلات شهور اتعلقت جدا بيه بس طول السنه وتلات شهور كنا بنحاول نبعد عشان ربنا وعايزين انا وهو ناخد خطوه بالحلال وترضي ربنا وكنا متخوفين ان اي بدايه فليريشن مش هترضي ربنا زي كده نهايتها مش هترضينا واحنا بنحب بعض وبنخاف على بعض وكل واحد متمسك بالتاني وعايز يكون شريكه في حياته بس بالحلال باللي يرضي ربنا المهم المحاولات بتاعتنا كانت نبعد وبعدين نرجع نبعد ونرجع وهكذا.. لغايه شهر 3 اللي فات اللي هو كان في شهر رمضان اخدناها فرصه مع بعض ان هي بدايه جديده وهنبعد لما ان شاء الله ربنا يجمعنا مع بعض في الحلال، احنا حاليا بقى لنا اربع شهور ما بنتكلمش وما فيش اي تواصل ما بينا خلاص بس الحاجه اللي مخلياني متشتته ما بين قلبي وعقلي؛ عقلي مش قادر يقتنع باللي حصل على طول بفكر في امور ان هو ما كانش لازم يسيبك لان ظروفك الصحيه والنفسيه مش احسن حاجه وده فعلا يَجماعه انا عندي مشاكل نفسيه وترومات وعقد من ناحية الاهل وهو كان عارف كل ده وعارف ان أنا بعاني بس عقلي عنده وجهه نظر ان هو ماكنش المفروض يسيبك وان كان عنده طرق تانيه ان هو يفضل معايا بس بحلال عقلي مش قادر يقتنع بفكره البعد اللي جاء فجاه لان كمان الخطوه دي والاقتراح جاي منه هو مش انا، أما قلبي هو المدافع اللي دايما عند وجهه نظري انتِ عارفه الشخص ده هو بيحبك واكيد هو عمل كل ده عشان بيحبك وعايزك في حلال واللي يرضى ربنا وما تنسيش ان انتم اخذتم الخطوه دي مع بعض وبرضاكيِ وكنتي موافقه فانتِ لازما تستحملي وتجاهدي نفسك وتفكيرك لما ان شاء الله ربنا يجمعكم مع بعض، المهم في وسط زحمه التشتت اللي انا قاعده فيها بين قلبي وعقلي انا جالي احساس غريب تجاه الشخص ده مش عارفه ليه ما عادش عندي اهتمام اعرف هو بيعمل ايه لو نزل الستوريز ما بشوفهاش ما عنديش اهتمام اعرف اللي بيحصل في حياته ايه هو اللي بيعمله سواء بقى مبسوط أو حزين ده حتي لو سالت نفسي سؤال هو انتِ لسه بتحبيه بقعد ساكته وما بردش مش حاسه بمشاعر وما اقدرش اقول ان انا ما عدتش بحبه بس مش حاسه بحاجه بقت عادي مش فارقه بقى في لا مبالاه مش فاهماه جاي امتى وازاي انا خايفه يَجماعه من تفكيري ونفسي يضيعوني انا حاسه ان انا ضايعه ووحيده ومش فاهمه ايه اللي بيحصل معايا ولا عارفه اعمل ايه ؟!. ...عرض المزيد

3 الدعم

12 نصيحة