مشكلتي مع المذاكره في تالته ثانوي ومش عارفه ازاي اذاكر

Question

انا عندي مشكله كبيره في المذاكره مش متقبلاها خالص وانا تالته ثانوي يعني مينفعش الدلع دا خالص وانا تعبت جامد وقولت لأهلي قالولي متضغطيش نفسك بالراحه بس انا مش عارفه افكر ازاي او المفروض اعمل اي او اذاكر ازاي والامتحانات مفاضلش عليها كتير ومش لاقيه حلول

Strawberry_15892 🇪🇬 · Answer

بصي انا نفس الحالة بس بقنع نفسي ان هم شهرين و بقعد ع المكتب حتى لو فهمت صفحة واحدة بس اهو بحاول ، ذاكري دلوقتي بدل ما تذاكري فى الصيف و انتي مش حمل سنة تانية

Coffee_15898 🇪🇬 · Answer

الفكرة ان تدي وقت لنفسك عشان تقدري تكملي تاني يعني مثلا انهاردة الجمعة خدي إجازة لحد المغرب مثلا او شوفي انتي بتذاكري بليل ولا الصبح و ادي وقت لنفسك اتفرجي ع فيلم حلو لمدة ساعة مثلا وانتي بتاكلي وبعدين كملي أو اسمعي اغنية حلوة بتحبيها وكملي وصدقيني لو عملتي كده مش هتبقي بتعطلي نفسك خالص بلعكس وهتشكري نفسك انك عملتي كده لان ده هيساعدك تنتجي اكتر .

Strawberry_15897 🇪🇬 · Answer

جربت دا كزا مره بس انا حاسه اني كدا غلط وان مينفعش اعمل كدا وحاسه بالذنب علشان اهلي مبيضغطوش عليا ودايما بيدوني حلول ف عايزه اضغط علي نفسي اكتر بس معتش قادره  اكمل بجد

Strawberry_15897 🇪🇬 · Answer

هحاول اضغط علي نفسي اكتر

Watermelon_15883 🇪🇬 · Answer

حطي لنفسك هدف يومي متناميش ولو ايه الا لما تخلصي الي قولتي هتخلصيه وقولي لأهلك علي الي عليكي انهارده خليهم ييجو و يتاكدو خلصتي ولا بتذاكري ولا لا انتي اطلبي منهم كدا وفي نفس الوقت متضغطيش علي نفسك اوي وفكري فيها كانها زي اي سنه تانيه و انتي بتذاكري ابعدي عن اي مشتتات الموبايل مثلا اديه لاي حد من عيلتك قوليلها متدوهليش الا كمان ساعه و تقعدي تخلصي الي عليكي في الساعه ديه ومتقوميش غير لما تخلصيها

Watermelon_15883 🇪🇬 · Answer

اعملي جداول وقسمي الي عليكي علي الايام الي فاضلالك و متنسيش تسيبي وقت للمراجعه عشان  لو حصل اي ظرف وممشيتيش عالجدول المهم يكون منغير ضغط خالص لانك لو متوتره حتا لو حافظه الكتاب بعد الشر ممكن تنسي كل حاجه بسبب التوتر والحمد لله ان اهلك مش بيضغطو عليكي بس لازم يساعدوكي وان شاء الله تجيبي احسن درجه و توكلي علي الله وربنا يوفقك ان شاء الله ♥️♥️

Coffee_15898 🇪🇬 · Answer

لا متحسيش انك غلط بلعكس ده الي هيساعدك تقومي تاني اتمشي حوالين البيت نص ساعة وانتي بتسمعي اغاني مثلا اتفرجي ع فيلم لمدة ساعة اهتمي ب أكلك ونومك لكن لو ضغطي ع نفسك مش هتقدري تكملي